| 5D (Fifth Dimension) singel av The Byrds frå albumet Fifth Dimension | ||
| B-side |
«Captain Soul» | |
|---|---|---|
| Utgjeve | 13. juni 1966 | |
| Innspelt | 24. og 25. mai 1966, Columbia Studios, Hollywood, CA | |
| Sjanger | Rock, psykedelisk rock | |
| Lengd | 2:33 | |
| Selskap | Columbia | |
| Tekstforfattar | Roger McGuinn | |
| Låtskrivar(ar) | Jim McGuinn | |
| Produsent | Allen Stanton | |
| The Byrds-kronologi | ||
| «Eight Miles High» (1966) |
5D (Fifth Dimension) | «Mr. Spaceman» (1966)
|
«5D (Fifth Dimension)» er ein song av det amerikanske rockebandet The Byrds, skriven av bandmedlemmet Jim McGuinn.[1] Han vart gjeven ut på singel 13. juni 1966 og nådde 44. plass på den amerikanske singellista, men kom ikkje ein gong inn på den britiske.[2][3][4] Songen vart òg gjeven ut som opningsspor på det tredje albumet deira, Fifth Dimension, som kom ut 18. juli 1966.[2] «5D (Fifth Dimension)» kom ut etter den viktige singelen «Eight Miles High» single og tok den psykedeliske eksperimenteringa deira eit steg vidare.[1]
I følgje McGuinn var teksten eit forsøk på forklare relativitetsteorien til Einstein og var direkte inspirert av boka 1-2-3-4, More, More, More, More av Don Landis.[5] Den abstrakte songteksten vart av mange tilhengjarar tolka som ei LSD-tripp, noko McGuinn nekta på det sterkaste.[6] På grunn av desse skuldingane vart songen bannlyst frå somme radiostasjonar i USA.[7]
Innspelinga av songen vart gjort 24. og 25. mai 1966 med Allen Stanton som produsent.[8] På songen finn ein Bach-aktig orgel og elektrisk piano, spelt av Van Dyke Parks.[8][9] «5D (Fifth Dimension)» var ein av favorittane til The Byrds-bassisten Chris Hillman, som skildra han som «ein av dei flottaste songane McGuinn nokon gong har skrive.»[10]