Abwein

Abwein
عبوين
landsby
Land	Palestina
guvernement	Ramallah og al-Bireh
Koordinatar	32°1′57″N 35°11′57″E / 32.03250°N 35.19917°E / 32.03250; 35.19917
Areal	16,2 km²
Folketal	5 500  (2006)[1]
Borgarmeister	Fatima Sihweil
Abwein 32°01′57″N 35°11′57″E / 32.0325°N 35.199166666667°E / 32.0325; 35.199166666667
Kart som viser Abwein. Kart som viser Abwein.
Wikimedia Commons: Abwein

Abwein (arabisk عبوين ) er ein palestinsk landsby i Ramallah og al-Bireh guvernement, kring 37 kilometer nord for Ramallah nord på Vestbreidda. I følgje Palestinsk statistisk sentralbyrå hadde Abwein eit folketal på 6 000 innbyggjarar i 2007.^[1] Dei fleste innbyggjarane i Abwein er etterkomarar etter arabarar frå Tafilah i ørkenen i dagens Jordan.^[2]

Historie

Landsbyen vart ein del av Det osmanske riket i 1517 i lag med resten av Palestina, og i 1596 var han oppført i skattelister som ein del av Quds nahiya i Quds liwa. Han hadde eit folketal på 53 hushaldningar, alle muslimar, og betalte skatt for kveite, bygg, oliventre, vindruer og frukttre, geiter og/eller bikubar.^[3]

Den franske oppdagaren Victor Guérin vitja landsbyen, som han kalla A'youein, i 1870, og estimerte at han hadde kring 300 innbyggjarar. Han noterte at landsbyen hadde rike vasskjelder, vakre valnøtt-tre, og hagar med fiken, oliven og granateple.^[4] I 1882 skildra Palestine Exploration Fund i Survey of Western Palestine Abwein som ein landsby i ei åsside med ein brunn i sør, og oliventre nedanfor seg i nord.^[5]

Det britiske mandatet

I ei folketeljing i 1922 utført av Dei britiske mandatstyresmaktene hadde 'Abwain eit folketal på 543, alle muslimar.^[6] Under folketeljinga i 1931 hadde Ibwein 171 busette hus og eit folketal på 695, framleis alle muslimar.^[7]

I 1945 var folketalet 880, alle arabarar, medan det samla landarealet var 15 007 mål, i følgje ei offisiell landmåling.^[8] Av dette var 1 863 for plantasjar og irrigert land, 8 296 for korn,^[9] medan 36 mål var klassifisert som utbygde område.^[10]

Kjelder

1. 2007 PCBS Census. Palestinsk statistisk sentralbyrå. s.112.
2. Abwein Municipality - Palestine Arkivert 2021-11-26 ved Wayback Machine. Abwein Municipal Website
3. Hütteroth and Abdulfattah, 1977, s. 112.
4. Guérin, 1875, s. 169
5. Conder og Kitchener, 1882, s. 289
6. Barron, 1923, Table VII, Ramallah underdistrikt, s. 16
7. Mills, 1932, s. 49.
8. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 64
9. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 111
10. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 161

• Denne artikkelen bygger på «Abwein» frå Wikipedia på engelsk, den 22. september 2015.
  • Wikipedia på engelsk oppgav desse kjeldene:
• Barron, J. B., red. (1923). Palestine: Report and General Abstracts of the Census of 1922. Government of Palestine. 
• Conder, Claude Reignier; Kitchener, Herbert H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund. 
• Guérin, Victor (1875). Description Géographique Historique et Archéologique de la Palestine (på fransk). 2: Samarie, pt. 2. Paris: L'Imprimerie Nationale. 
• Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral 
• Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. ISBN 3-920405-41-2. 
• Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 
• Sharon, Moshe (1997), Corpus Inscriptionum Arabarum Palaestinae, Vol. I, A, BRILL, ISBN 9004108335 

Bakgrunnsstoff

• Velkomen til 'Abwein/'Ibwein