Al-Sawda
| Al-Sawda | |||
| السودا | |||
| by | |||
| Land |  Syria
| ||
|---|---|---|---|
| Guvernement | Tartus | ||
| Distrikt | Tartus | ||
| Nahiyah | Al-Sawda | ||
| Koordinatar | 34°58′56″N 35°56′37″E / 34.98222°N 35.94361°E | ||
| Folketal | 4 064 (2004)[1] | ||
| Tidssone | EET (UTC+2) | ||
 Al-Sawda 34°58′56″N 35°56′37″E / 34.98222222°N 35.94361111°E | |||
  Kart som viser Al-Sawda.
| |||
Al-Sawda (arabisk السودا, òg skrive Sauda eller al-Soda) er ein by nordvest i Syria i Tartus guvernement, 15 kilometer nordaust for Tartus. Av stader i nærleiken finn ein Annazah i nordaust, Maten al-Sahel i nordvest, Husayn al-Baher i vest, Dweir al-Shaykh Saad i sørvest, Awaru i sør, Khirbet al-Faras i søraust og Khawabi i aust. I følgje Syrisk statistisk sentralbyrå, hadde al-Sawda eit folketal på 4 064 i 2004. Han er det administrative senteret i al-Sawda nahiyah («underdistrikt») som består av 27 stader med eit samla folketal på 32 925 i 2004.[1] Innbyggjarane er hovudsakleg kristne,[2] frå den gresk-ortodokse kyrkja.[3]
Historie
[endre | endre wikiteksten]Namnet al-Sawda er arabisk for «svart» og syner til dei svarte basaltiske steinane som innbyggjarane i al-Sawda tidlegare nytta til å byggje bygningar, inkludert den største kyrkja. Seint i den osmanske tida, tente basalt-basert murarhandverk som hovudnæringa i al-Sawda, og tilsette opp til 400 innbyggjarar fram til byrjinga av det franske mandatet. Industrien vart mindre viktig då ein byrja å byggje med sement og jarn i regionen.[4]
Under osmansk tid (1516-1918), var administrasjonssenteret i nærleiken («underdistrikt») i den sunnimuslimske byen og mellomalderborga Khawabi.[2] Det er framleis fleire bygg frå den osmanske tida, i tillegg til ei kyrkje i byen.[5] Under det franske mandatet, då osmanarane trekte seg ut av Syria, vart senteret for området flytta til al-Sawda av dei franske styresmaktene, fordi, i motsetnad til Khawabi, deltok ikkje innbyggjarane i al-Sawda i det syriske opprøret i 1919 leia av sjeik Salih al-Ali som kom frå denne regionen.[2]
Under det franske mandatet, tok al-Sawda over statusen Khawabi hadde hatt, og folk byrja å reise til al-Sawda i staden. Medan Khawabi raskt vart mindre viktig, vart al-Sawda eit dynamisk senter med ein klinikk, ein vidaregåande skule og mange butikkar. I 1967, under den første tida av baathist-styret i Syria, vart senteret i mantiqah («distriktet») flytta til al-Shaykh Badr som i 1970 hadde eit folketal på 467 (og mangla tenester) samanlikna med al-Sawda som då hadde 1 103 innbyggjarar.[2] I dag er al-Sawda senteret i ein nahiyah i Tartus-distriktet,[1] medan al-Shaykh Badr har vokse til ein stor by og er senter i al-Shaykh Badr-distriktet.
Kjelder
[endre | endre wikiteksten]- Denne artikkelen bygger på «Al-Sawda» frå Wikipedia på engelsk, den 5. juli 2014.
- Wikipedia på engelsk oppgav desse kjeldene:
- Balanche, Fabrice (2006). La région alaouite et le pouvoir syrien (på fransk). Karthala Editions. ISBN 2845868189.
- Lee, Jess (2010). Syria Handbook. Footprint Travel Guides. ISBN 1907263039.
- ↑ 1,0 1,1 1,2 Folketeljing 2004[daud lenkje]. Syrisk statistisk sentralbyrå (CBS). Tartus guvernement. (arabisk)
- ↑ 2,0 2,1 2,2 2,3 Balanche, 2006, s. 47.
- ↑ The Reformed Presbyterian and Covenanter. 33. (1895). s. 275.
- ↑ Abdel Karim, Dalia. Suda's Stones. E-Tartus. E-Syria. 2009-01-07. (arabisk)
- ↑ Lee, 2010, s. 173.