Ayn Halaqim

Ayn Halaqim
عين حلاقيم, Ein Halakim
landsby
Land	Syria
Guvernement	Hama
Distrikt	Masyaf
Nahiyah	Ayn Halaqim
Koordinatar	34°56′24″N 36°19′26″E / 34.940064°N 36.32376°E / 34.940064; 36.32376
Folketal	1 216  (2004)[1]
Tidssone	EET (UTC+2)
Ayn Halaqim 34°56′24″N 36°19′26″E / 34.940064°N 36.32376°E / 34.940064; 36.32376
Kart som viser Ayn Halaqim. Kart som viser Ayn Halaqim.

Ayn Halaqim (arabisk عين حلاقيم, òg skrive Ein Halakim) er ein landsby nordvest i Syria i Hama guvernement, vest for Hama. Av stader i nærleiken finn ein al-Bayda og Masyaf i nord, al-Bayyadiyah i nordaust, Nisaf i aust, Kafr Kamrah i søraust, Mashta al-Helu i sørvest, Ayn al-Shams i vest og Wadi al-Oyun i nordvest. I følgje Syrisk statistisk sentralbyrå (CBS), hadde Ayn Halaqim eit folketal på 1 126 i 2004.^[1]

Namn

Namnet Ayn-Halaqim består av to arabiske ord: Ayn, som tyder «vasskjelde» og Halaqim, fleirtal av Houlkoum som tyder ein «røyrleidning». I lag vert dei to åra «vasskjelda med røyr». Landsbyen har mange vasskjelder og den viktigaste ligg i hjartet av landsbyen, like ved den nye kyrkja, og vert kalla «den store kjelda».

Det er oppdaga spor av røyr til denne kjelda, og ein trur at desse røyra gav vatn til eit gammalt kongedøme på den andre sida av fjellet, og at dette er opphavet til namnet.

Klima

Landsbyen ligg 750-900 meter over havet og har derfor noko lågare temperatur enn låglandet kring. Klimaet er òg tørt om sommaren, men med kring 900 mm nedbør i året, er landsbyen ein av dei mest regnfulle i heile Syria.

Elva al-Sarout renn langs dalen mellom landsbyen og Jabal al-Helou, og gjev vatn til slettene kring landsbyen og frukthagane i området, der ein dyrkar eple, aprikos, svisker, pærer, druer og oliven.

Kjelder

• Denne artikkelen bygger på «Ayn Halaqim» frå Wikipedia på engelsk, den 22. mai 2014.
  • Wikipedia på engelsk oppgav desse kjeldene:

1. Folketeljing 2004 Arkivert 2013-01-12 ved Archive.is. Syrisk statistisk sentralbyrå (CBS). Hama guvernement. (arabisk)