BBC Scottish Symphony Orchestra | |||
Skipa | 1. desember 1935 | ||
---|---|---|---|
Nettstad | https://www.bbc.co.uk/bbcsso |
BBC Scottish Symphony Orchestra (BBC SSO) er eit skotsk kringkastings-symfoniorkester som er basert i Glasgow. Det er eit av fem fulltidsorkester som blir drivne av British Broadcasting Corporation (BBC), og det er det eldste profesjonelle fulltids-radioorkesteret i Skotland. Orkesteret har base i City Halls i Glasgow.[1]
BBC opna eit studio i Edinburgh i 1930, og bestemte seg for å skipa eit eige skotsk fulltidsorkester i tillegg til BBC-orkestera ein som allereie var etablerte i London, Manchester og Wales. BBC Scottish Orchestra blei skipa 1. desember 1935 av den fyrste musikkleiaren i Skottland for BBC, komponisten og dirigenten Ian Whyte.
I 1938 flytta orkestret inn i sin eigen heim i Studio One, i nyopna Glasgow Studios i Broadcasting House ved Queen Margaret Drive. Det nyoppretta Scottish Variety Orchestra (som blei til BBC Scottish Radio Orchestra i 1967) heldt til i Studio Two.
I tillegg til regelmessige live-sendingar og opptak for BBC, og opptak for BBC Music Magazine, har BBC Scottish Symphony Orchestra spelt inn 98 kommersielle CD-ar for platemerke som BIS, NMC og Hyperion, som det har ei langt samarbeidshistoriet med. Orkesteret har vunne 4 Gramophone-prisar og ein Grammy-nominasjon for innspelingane sine.