Biff à la Lindström
Biff à la Lindström er ein kjøttdeigbiff laga av kjøttdeig, lauk, eggeplomme, fløyte, kokt potet, raudbete og kapers.[1] Retten blir rekna som ein klassikar innan svensk matlaging.[2]
Opphav
[endre | endre wikiteksten]Ifølgje den vanlegaste soga om opphavet til retten og namnet skal han ha blitt til då svenske løytnant Henrik Lindström vitja Hotel Witt i Kalmar i 1862.[3] Lindström hadde vokse opp i Sankt Petersburg, og kjende til ein russisk rett han ville at vennene hans skulle smaka. Han fekk tak i dei rette ingrediensane og gav instruksar for korleis dei skulle lagast til. Sidan har hotellet fortsett å servera biff på Lindström-vis eller på kulinarisk fransk «biff à la Lindström».[3]
Ei anna soge om opphavet til retten vister til kafeen Tysta Mari frå krysset mellom Drottninggatan og Jakobsgatan i Stockholm. Kafeen blei driven av Maria Christina Lindström, som skipa han i 1834.[2]
Endå ein annan Lindström som er blitt kopla til retten er den norske polarkokken Adolf Henrik Lindstrøm, som var med både på Fridtjof Nansen og Roald Amundsen sine fartøy og ekspedisjonar til Sørpolen og gjennom Nordvestpassasjen. Han var også kokk for den norske forretningsmannen Jonas Lied som reiste i Sibir. Lied skreiv at kokken laga biff à la Lindstrøm av bjørnekjøtt. Han skal også ha laga ein rett meir lik den svenske biff à la Lindström, av hakka oksekjøtt med raudbeter, som han skal ha fått oppskrift på frå ei svensk husstellærarinne.[4]
Sjå òg
[endre | endre wikiteksten]Kjelder
[endre | endre wikiteksten]- ↑ Mæhlum, Lars (29. september 2014). «Biff à la Lindstrøm». Store norske leksikon (på norsk).
- ↑ 2,0 2,1 «Historien om biff à la Lindström». Aftonbladet (på svensk).
- ↑ 3,0 3,1 «Biff à la Lindström», First Hotels (på norsk bokmål), henta 12. november 2018
- ↑ Ekeberg, Jan Ove (29. september 2014). «Adolf Lindstrøm». Norsk biografisk leksikon (på norsk).
- Denne artikkelen bygger på «Biff à la Lindström» frå Wikipedia på bokmål, den 24. oktober 2018.
- Wikipedia på bokmål oppgav desse kjeldene:
- Strandqvist, Dan (26. januar 2008). «Våga krydda köttfärsen». Västerviks-Tidningen. Henta 25. september 2016.
- Johnson, Anders (2007). Globaliseringens tre vågor – Sveriges internationalisering under 150 år (PDF). Regeringskansliet. s. 42. ISBN 978-91-85935-02-4. Arkivert frå originalen (PDF) 13. september 2008.
- «Biff á la Lindstrøm - Sandbakken spesial». Sandbakken. Arkivert frå originalen 30. oktober 2012. Henta 24. oktober 2018.
- «Adolf Henrik Lindstrøm». Norsk Polarhistorie.