Blue Jean Singel av David Bowie frå albumet Tonight | ||
B-side |
«Dancing with the Big Boys» | |
---|---|---|
Utgjeve | 1. september 1984 | |
Innspelt | Mai 1984 | |
Studio | Le Studio, Morin-Heights i Quebec i Canada | |
Sjanger | ||
Lengd | 3:08 | |
Selskap | EMI America - EA181 | |
Tekstforfattar | David Bowie | |
Låtskrivar(ar) | David Bowie | |
Produsent |
| |
David Bowie-kronologi | ||
«White Light/White Heat» (1983) |
Blue Jean | «Tonight» (1984)
|
«Blue Jean» er ein song skriven og spelt inn av den engelske musikaren David Bowie for det sekstande studioalbumet hans, Tonight (1984). Songen var ein av berre to songar på albumet som var skriven av Bowie aleine. Han vart gjeven ut på singel før albumet kom ut og han nådde sjetteplassen i Storbritannia og åttandeplassen i USA. Songen er laust inspirert av Eddie Cochran.[2]
Etter den store salssuksessen med det forrige albumet til Bowie, Let's Dance, singlane frå dette albumet og Serious Moonlight-turneen, vart «Blue Jean» lansert med ein 21 minuttar lang kortfilm kalla Jazzin' for Blue Jean, regissert av Julien Temple.[2] Den delen av kortfilmen der songen vart framført vart sidan redigert ut som ein vanleg musikkvideo. Filmen vann prisen for beste video i kort form, seinare kalla «beste musikkvideo» under Grammyprisutdelinga året etter. Det var den einaste Grammyprisen Bowie vann medan han levde, sjølv om han fekk fire prisar for albumet Blackstar (2016) posthumt.[3]
«Blue Jean» vart spelt på fleire av turnane til Bowie: Glass Spider-turneen (1987), Sound+Vision-turneen (1990) og Reality-turneen (2004).
I eit intevju i 1987 vart Bowie spurt om å samanlikne songen med «Time Will Crawl» og Bowie sa: «'Blue Jean' er eit stykke sexistisk rock 'n roll. [ler] Det handlar om å sjekke opp jenter. Det er ikkje veldig cerebralt, det stykket.»[4] BBC-meldaren Chris Jones kritiserte songen i meldinga si for Best of Bowie i 2002 og hevda at «'Blue Jean' finst berre så vidt, så formelbasert som han er.»[5] Kommentatoren Chris O'Leary skreiv at medan «Blue Jean» er godt plassert i «pastisjefeltet», skildra han songen som «smart» og «fengande» og ein av dei beste «andrerangs-hittane» til Bowie.[6]
Det finst tre versjonar av videoen:
Liste (1984) | Plassering |
---|---|
Australian Kent Report Singles Chart[7] | 12 |
Austerrike (Ö3 austerriksk Topp 40)[8] | 16 |
Belgia (Ultratop 50 Flandern)[9] | 4 |
Canadian Singles Chart[10] | 6 |
Finland (Suomen virallinen lista)[11] | 11 |
Frankrike (SNEP)[12] | 22 |
Tyskland (Media Control AG)[13] | 21 |
Irland (IRMA)[14] | 3 |
Nederland (Mega Single Top 100)[15] | 10 |
New Zealand (RIANZ)[16] | 7 |
Noreg (VG-lista)[17] | 3 |
Poland (LP3)[18] | 9 |
Spania (AFYVE)[19] | 3 |
Spania (Los 40 Principales)[20] | 1 |
Sverige (Sverigetopplistan)[21] | 5 |
Sveits (Schweizer Hitparade)[22] | 14 |
UK Singles (Official Charts Company)[23] | 2 |
US Billboard Hot 100[24] | 8 |
US Hot Dance Club Songs (Billboard)[25] | 2 |
US Mainstream Rock (Billboard)[26] | 2 |
Land/Region | Salstal | Sertifisering |
---|---|---|
Canada | >40 000 | Gull[27] |