Bondelunge
Bondelunge er ein type allergisk alveolitt som kjem etter innanding av biologisk støv frå høy eller muggsporer og andre jordbruksprodukt.[1] Det fører til type 3-allergi, ein potensielt farleg betennelsesreaksjon.[2]
Når ein andar inn allergen (allergiframkallande stoff) blir det vanlegvis slept ut eit antistoff i blodomlaupet kalla immunoglobulin E (IgE), som ein del av immunresponsen. Bondelunge skuldast ofte eksponering for termofile aktinobakteriar, slik som Saccharopolyspora rectivirgula, og det blir i staden slept ut immunoglobulin G (IgG). Etter eksponering vil IgG-antistoff feste seg til innanda allergen og danne eit immunkompleks langs innsida av alveolane i lungene. Dette fører til opphoping av væske, protein og celler i alveoleveggane. Konsekvensen av dette er ei tilkortkoming i blodgass-utvekslinga slik at lungefunksjonen blir dårlegare.[3]
Sjå òg
[endre | endre wikiteksten]- silofyllarsjukdom
- allergisk alveolitt (òg kalla «hypersensitivitetspneumonitt»)
Kjelder
[endre | endre wikiteksten]- Denne artikkelen bygger på «Farmer's lung» frå Wikipedia på engelsk, den 12. januar 2015.
- ↑ Enelow, RI (2008). Fishman's Pulmonary Diseases and Disorders (4th utg.). McGraw-Hill. s. 1161–1172. ISBN 0-07-145739-9.
- ↑ http://nasdonline.org/document/1663/d001538/farmer-039-s-lung-it-takes-your-breath.html
- ↑ Walport, M (2008). Janeway's immunobiology (7th utg.). Garland Science. s. 585. ISBN 978-0-8153-4145-1.
 |