Christian Schwarzer

Christian Schwarzer


Statsborgarskap Tyskland
Fødd 23. oktober 1969 (55 år)
Braunschweig
Idrett handball
Tok del i Sommar-OL 2008, Sommar-OL 2004, Sommar-OL 2000, Sommar-OL 1996
Utmerkingar Silbernes Lorbeerblatt, Årets håndballspiller i Tyskland

Christian Schwarzer (fødd 23. oktober 1969) er ein tysk tidlegare handballspelar frå Braunschweig. Linjespelaren vart europameister 2004 og verdsmeister 2007 med Tysklands landslag. I 2000 vann han meisterligaen med spanske FC Barcelona.

Karriere

[endre | endre wikiteksten]

Klubbspel

[endre | endre wikiteksten]

Schwarzer var aktiv 1987-91 i Fredenbeck, spelte deretter på TV Niederwürzbach til 1999. 1999-2001 gjorde han teneste i FC Barcelona, der han var med på å vinne meisterligaen i sin fyrste sesong med det spanske storlaget. Frå 2001 til -07 var han Lemgo-spelar i bundesligaen. Til sist spelte han for Rhein-Neckar Löwen, eit lag som i 2008 nådde finalen i EHF-cupvinnarcupen. Han la opp i 2009.

Landslagsspel

[endre | endre wikiteksten]

Schwarzer spelte sin fyrste landskamp i november 1989 og den siste under Sommar-OL 2008. Etter tap i EM-finalen 2002, VM-finalen 2003 og OL-finalen 2004, bidrog han mykje til at Tyskland gjekk heilt til topps i Handball-EM 2004 og det store høgdepunktet, VM-finalen 4. februar 2007 på heimebane i Köln. Schwarzer deltok i seks verdsmeisterskap, fem europameisterskap og fire olympiske sommarleikar. På totalt 319 landskampar skåra han 966 mål, fleire enn nokon annan tysk handballspelar.

Merittar

[endre | endre wikiteksten]
  • EM 1998: Bronsemedalje, etter 30–28 eeo mot Russland
  • EM 2002: Sølvmedalje, 31–33 mot Sverige
  • VM 2003: Sølvmedalje, 31–34 mot Kroatia
  • Sommar-OL 2004: Sølvmedalje, 24–26 mot Kroatia
  • EM 2004: Gullmedalje, etter 30–25 over Slovenia
  • VM 2007: Gullmedalje, etter 29–24 over Polen
  • Vinnar av EHF-meisterligaen: 2000 for FC Barcelona
  • Vinnar av EHF-cupvinnarcupen: 2006 for TBV Lemgo
  • Vinnar av EHF-europaserien: 1995 for TV Niederwürzbach
  • Finalist i EHF-cupvinnarcupen: 2008 for Rhein-Neckar Löwen
  • Spansk ligameister 2000 for FC Barcelona
  • Spansk cupmeister: 2000 for FC Barcelona
  • Tysk pokalmeister: 2002 for TBV Lemgo
  • Tysk ligameister: 2003 for TBV Lemgo

Kjelder

[endre | endre wikiteksten]