Chuquiraga jussieui

Chuquiraga jussieui
Chuquiraga jussieui
Chuquiraga jussieui
Systematikk
Rike: Planteriket Plantae
Overrekkje: Landplantar Embryophytes
Rekkje: Karplantar Tracheophytes
Underrekkje: Frøplantar Spermatophytes
Orden: Korgplanteordenen Asterales
Familie: Korgplantefamilien Asteraceae
Slekt: Chuquiraga
Art: C. jussieui
Vitskapleg namn
Chuquiraga jussieui

Chuquiraga jussieui, J.F. Gmel, er ein blomstrande planteart i korgplantefamilien (Asteraceae) som veks i páramo-økosystem i Colombia, Ecuador og Peru.

Skildring

[endre | endre wikiteksten]
Kolibriar, slik som vulkanoreade (Oreotrochilus chimborazo), livnærer seg av nektar frå denne planten
Blømande busk.

Dette er ein låg busk som kan bli opptil 1,5 meter høg, med hard bork og tydelege bladarr. Blada kan bli opptil 12 mm lange, er harde, nesten stilklause, spiralforma, tettstilte, eggforma til lansettforma, med spiss og torna tupp, rund base og éin nervestreng. Blada er lêraktige. Blomsterhovuda er traktforma, med overlappande dekkblad i 5–10 rekkjer (dei ytre er lengre og kortare mot midten), oransjebrune og tornete. Blomsterbotnen er flat og håret. Blomstrane er 2 cm lange, arrangerte i blomsterstandar som er 6 cm lange, med 16–45 blomstrar. Blomstrane er røyrforma, delte i fem delar ved toppen, tett hårete, og fargen varierer frå gul til kvitaktig. Dei har 5 pollenberarar, med lange vedheng ved basis av pollenknappane og spisse, lineære vedheng ved toppen. Frukta er ein hårete eller bustete tørr frukt (akene) med ei enkelt rekkje fjøraktige fnokk. Ved Cotopaxi i Andesfjella i Ecuador kan buskar av denne planten bli opptil 3 meter høge.

Planten høyrer heime i páramoområda på meir enn 3500 meters høgd over havnivå i Colombia, Ecuador og Peru.

Chuquiraga jussieui veks i páramoområde med buskvegetasjon.

Bruksområde

[endre | endre wikiteksten]

Planten blir brukt som ved, og dessutan har ekstrakt av denne planten hatt medisinsk bruk blant urfolk.[1]

Galleri

[endre | endre wikiteksten]

Kjelder

[endre | endre wikiteksten]
Referansar
  1. ↑ Guerrero Bonilla, Daniel A; Granda-Albuja, María G; Guevara, Mabel; Iturralde, Gabriel A; Jaramillo-Vivanco, Tatiana; Giampieri, Francesca; Alvarez-Suarez, José M (2020). «Bioactive compounds and antioxidant capacity of Chuquiraga jussieui JF Gmel from the highlands of Ecuador». Natural product research (Taylor & Francis) 34: 2652––2655. doi:10.1080/14786419.2018.1548450. 

Bakgrunnsstoff

[endre | endre wikiteksten]
Commons har multimedium som gjeld: Chuquiraga jussieui