DS «Southern Cross»
| |
| Karriere |  Noreg |
|---|---|
| Namn: | DS «Pollux» |
| Verft: | Colin Archer, Svinodden verft, Arendal |
| Sjøsett: | 1886 |
| Karriere |  Storbritannia |
| Namn: | DS «Southern Cross» |
| Eigar: | Carsten Borchgrevink |
| Sett i teneste: | 1898-1900 |
| Karriere |  Canada |
| Namn: | DS «Southern Cross» |
| Eigar: | Newfoundland Sealing Company |
| Lagnad: | Forlist april 1914 ved Newfoundland |
| Generelle mål | |
| Type: | Selfangstskute |
| Tonnasje: | 521 brt |
| Lengd: | 44.7 |
| Breidd: | 9.3 |
| Installert effekt : | 360 bhp |
| Framdrift: | Trippel ekspansjon dampmaskin |
| Seglplan: | tremasta bark |
DS «Southern Cross» ('engelsk for 'Sørkrossen') var ei dampdriven ishavsskute på 521 brt som var konstruert av Colin Archer og bygget i 1886 ved Svinodden verft i Arendal. Som sedvanlig for ishavsskuter av denne typen var ho konstruert med oppbygd bru bak skorsteinen, der rekkverket var dekt med seglduk for å gje ekstra vern. Som selfangstskute gjekk skipet under namnet «Pollux», men i 1898 vart det seld som ekspedisjonsskip til antarktispioneren Carsten Borchgrevink og omdøypt «Southern Cross».
Den 30. juli 1898 la «Southern Cross» ut frå Kristiania med kurs for London, der den offisielle avreisa til Southern Cross-ekspedisjonen, den første ekspedisjonen som overvintra på det antarktiske kontinentet, fann stad 22. august. Reisa sørover gjekk via Madeira og St. Vincent med ankomst Hobart på Tasmania i slutten av november. Den 19. desember fortsette reisa sørover mot Antarktis, og etter å ha strevd i isen i 43 dagar kom ekspedisjonen fram til Kapp Adare 19. februar 1899. Den 1. mars returnerte «Southern Cross» til Australia, medan ei gruppe på ti mann vart igjen for å overvintre ved Kapp Adare. Den 28. januar 1900 var «Southern Cross» tilbake for å plukke opp dei etterlatne ekspedisjonsmedlemmane. Deretter segla dei langs Rossbarrieren i 645 km før dei returnerte til Australia.
Etter Southern Cross-ekspedisjonen vart skipe seld til Newfoundland Sealing Company. I april 1914 forliste det med heile besetninga på 173 utanfor Newfoundland.
Kjelder
[endre | endre wikiteksten]- Denne artikkelen bygger på «DS «Southern Cross»» frå Wikipedia på bokmål, den 25. mars 2013.
- Wikipedia på bokmål oppgav desse kjeldene:
- Paine, Lincoln P. (2000). Ships of discovery and exploration. New York: Mariner Books. ISBN 0-395-98415-7.
- Vogt, David (2008). Vår glemte polarhelt - Carsten Borchgrevink og Southern Cross-ekspedisjonen 1898–1900. Oslo: Aschehoug. ISBN 978-82-03-29138-8.