Dagfinn Kåre Føllesdal (fødd 22. juni 1932 i Askim) er ein norsk filosof.
Han studerte matematikk, fysikk og astronomi i Oslo og Göttingen, og filosofi ved Harvard, der han tok doktorgraden i 1961. Han var assistent for Arne Næss og studerte under W. V. O. Quine. Føllesdal har vore professor ved Harvard, Oslo og Stanford, og gjesteprofessor ved Berkeley og Collège de France.
I 1995 vart han tildelt Universitetet i Oslos forskingspris. Han er medlem av mange akademi i Noreg og utlandet, og har fått ei rekkje prestisjefulle prisar. Det kongelege hoffet kunngjorde 10. mars 2009 at kongen hadde utnemnd Føllesdal til kommandør av St. Olavs Orden «for hans innsats for filosofi og etikk.»[1]