Dancing Lasha Tumbai

«Dancing Lasha Tumbai»
Song av Verka Serduchka

Land Ukraina
Språk Tysk, engelsk, russisk og ukrainsk
Utgjeve 2007
Sjanger Eurodance, folk, pop
Lengd 03:13
Selskap Universal, Sojuz, Mama Music[1]
Komponist Verka Serduchka
Tekstforfattar Verka Serduchka
Låtskrivar(ar) Andrij Danylko

«Dancing Lasha Tumbai» (ukrainsk Данцінґ Лаша Тумбай, norsk transkripsjon Dantsing Lasja Tumbaj) er ein song frå 2007 med den ukrainske komikaren og artisten Verka Serduchka (Andrij Danylko). Songen var det ukrainske bidraget i Eurovision Song Contest 2007 i Helsingfors i Finland, der han enda på andreplass bak det serbiske bidraget «Molitva» med Marija Šerifović. Songen heitte opphavleg «Danzing», men endra tittelen på grunn av kontroversar rundt songteksta.[2] Teksta inneheld linjer på fire forskjellige språk: tysk, engelsk, russisk og ukrainsk.

Om songen

[endre | endre wikiteksten]

«Dancing Lasha Tumbai» er skriven av komikaren og dragartisten Andrij Danylko, best kjend som alter egoet sitt Verka Serduchka. Songen vann den ukrainske nasjonale finalen i 2007 og var dimed det ukrainske bidraget til Eurovision Song Contest 2007.

Valet av ein dragartist som representant for Ukraina vart sterkt kritisert av fleire medium og politikarar i landet.[3][4]

Også songteksta vart møtt med kritikk og kontroversar. Ifølgje låtskrivaren sjølv er uttrykket «Lasha Tumbai» eit mongolsk uttrykk for 'piska krem', 'milkshake' eller 'kinna smør'.[5] Men kritikarane meinte at det ikkje finst noko slikt uttrykk på mongolsk, og at uttala av uttrykket kunne høyrast ut som «Russia goodbye» ('Russland, farvel') – som ein kommentar til Oransjerevolusjonen i Ukraina 2004–2005.[6] Delar av teksta er i tillegg også på russisk.

Serduchka fekk likevel full støtte av kringkastaren Natsionalna telekompanija Ukrajiny, og deltakinga i Helsingfors gjekk dimed som planlagd. «Dancing Lasha Tumbai» enda på andreplass og vart ein hit i fleire europeiske land.

Listeplasseringar

[endre | endre wikiteksten]
Liste (2007) Høgaste
plassering
 Austerrike (Ö3 Austria Top 40)[7] 49
 Belgia (Ultratop)[8] 14
 Europa (European Hot 100 Singles) 22
 Finland (Suomen virallinen lista)[9] 2
 Frankrike (SNEP)[10] 6
 Irland (Irish Singles Chart)[11] 31
 Storbritannia (UK Singles Chart)[12] 28
 Sveits (Schweizer Hitparade)[13] 53
 Sverige (Sverigetopplistan)[14] 6
 Tyskland (GfK Entertainment Charts)[15] 74
 Ukraina (Airplay Chart Top 40)[16] 13

Kjelder

[endre | endre wikiteksten]
  1. ↑ «Dancing Lasha Tumbai – Single – Verka Serduchka». Apple Music. Henta 11. mai 2019. 
  2. ↑ Eurovision news:Ukrainian song title change Arkivert 2007-09-30 ved Wayback Machine.
  3. ↑ Украинские националисты хотят закрыть Верке Сердючке путь на Евровидение-2007[daud lenkje]
  4. ↑ ««ФРАЗА» - Новости - Чорновил: Сердючка опозорит Украину». Arkivert frå originalen 24. mai 2009. Henta 11. mai 2019. 
  5. ↑ "Dancing Lasha Tumbai. Ukrainian song title change" "Eurovision Song Contest Helsinki 2007".
  6. ↑ «The politics of entertainment at Eurovision | Music | DW.DE | 15.05.2013». Henta 18. mai 2013. 
  7. ↑ Hung, Steffen. «Verka Serduchka - Dancing Lasha Tumbai». austriancharts.at. Henta 11. mai 2019. 
  8. ↑ «Verka Serduchka - Dancing Lasha Tumbai - ultratop.be». www.ultratop.be. Henta 3. oktober 2021. 
  9. ↑ «finnishcharts.com - Verka Serduchka - Dancing Lasha Tumbai». finnishcharts.com. Henta 11. mai 2019. 
  10. ↑ «lescharts.com - Verka Serduchka - Dancing Lasha Tumbai». lescharts.com. Henta 11. mai 2019. 
  11. ↑ Irish Singles Chart for Week ended 17 Apr 2007 Arkivert 29. september 2007 på Wayback Machine. from ChartTrack.co.uk
  12. ↑ «dancing lasha tumbai | full Official Chart History | Official Charts Company». www.officialcharts.com (på engelsk). Henta 11. mai 2019. 
  13. ↑ «Verka Serduchka - Dancing Lasha Tumbai - hitparade.ch». hitparade.ch. Henta 11. mai 2019. 
  14. ↑ «swedishcharts.com - Verka Serduchka - Dancing Lasha Tumbai». swedishcharts.com. Henta 11. mai 2019. 
  15. ↑ «germancharts.de - Verka Serduchka - Dancing Lasha Tumbai». germancharts.de. Henta 11. mai 2019. 
  16. ↑ FDR Ukrainian Airplay