Darkush
| Darkush | |||
| دركوش | |||
| by | |||
.jpg) | |||
| Land |  Syria
| ||
|---|---|---|---|
| Guvernement | Idlib guvernement | ||
| Distrikt | Jisr al-Shughur-distriktet | ||
| Nahiyah | Darkush | ||
| Koordinatar | 35°59′33″N 36°23′35″E / 35.99250°N 36.39306°E | ||
| Folketal | 5 295 (2004)[1] | ||
| Tidssone | EET (UTC+2) | ||
 Darkush 35°59′33″N 36°23′35″E / 35.9925°N 36.393055555556°E | |||
  Kart som viser Darkush.
| |||
| Wikimedia Commons: Darkush | |||
Darkush (arabisk دركوش; òg skrive Darkoush eller Derkush) er ein by nord i Syria i Idlib guvernement, nordvest for Idlib langs grensa til Tyrkia ved elva Orontes. Av stader i nærleiken finn ein al-Janudiyah, Zarzur og al-Najiyah i sørvest, Jisr al-Shughur i sør og Millis og Maarrat Misrin i aust. I følgje Syrisk statistisk sentralbyrå, hadde Darkush eit folketal på 5 295 i 2004.[1] Byen er òg det administrative senteret i Darkush nahiyah som består av 19 landsbyar med eit samla folketal på 23 022.[1] Innbyggjarane er hovudsakleg sunnimuslimar.[2]
Historie
[endre | endre wikiteksten]Ein inskripsjon i byen er datert attende til romartida og syner at det låg eit skipsverft i byen, som bygde elvebåtar som kunne nyttast på Orontes.[3] Byen har òg restar av ei gammal bru.[4] Kristninga av byen skjedde truleg etter 322.[5]
Under krosstoga vart byen underlagt Fyrstedømet Antiokia[4] fram til han vart erobra av Saladin i 1188. Byen fall attende til krossfararane under Bohemond VI av Antiokia og Tripoli i 1260.[6] Byen vart til slutt erobra attende av mamelukkane og sultanen Baibars i 1267. Ingenting er att etter festninga krossfararane bygde i byen, sidan steinen vart nytta til andre bygningar.[4] Darkush vart vitja av den syrisk geografen Yaqut al-Hamawi i 1220-åra, under Ajjubide-dynastiet. Han noterte at han var ei «festning nær Antâkiyyah, i provinsen 'Awâsim».[7]
Den 13. august 1822 vart byen og området rundt øydelagd i eit massivt jordskjelv. Skjelvet skal ha teke livet av 20 000 menneske.[8]
Moderne tid
[endre | endre wikiteksten]Tidleg i 1960-åra vart han skildra som ein stor landsby med 2 500 innbyggjarar og «ein av dei mest pittoreske» stadane i området av geografen og forfattaren Robert Boulanger.[2]
Under den syriske borgarkrigen, som starta i mars 2011, vart Darkush erobra av opprørarar i november 2012.[9] Fram til då var byen stort sett delt politisk, der innbyggjarane i nord støtta opposisjonen, medan dei i sør stort sett støtta regjeringa. Øydelagde bygningar som tidlegare høyrte til tryggingsstyrkane, markerer skilje mellom dei to delane. Seint i januar var byen underlagt opprørarane og vart nytta som utgangspunkt for militæroperasjonar mot statlege stillingar i fjella i sør.[10]
Geografi
[endre | endre wikiteksten]Byen Darkush ligg i ein wadi i Orontesvassdraget, ved foten av an-Nusayriyah-fjella.[11]
Kjelder
[endre | endre wikiteksten]- Denne artikkelen bygger på «Darkush» frå Wikipedia på engelsk, den 15. juni 2014.
- Wikipedia på engelsk oppgav desse kjeldene:
- Butcher, Kevin (2004). Roman Syria and the Near East. Getty Publications. ISBN 9780892367153.
- Boulanger, Robert, red. (1966). The Middle East, Lebanon, Syria, Jordan, Iraq, Iran. Hachette.
- Trombley, Frank R. (2001). Hellenistic Religion and Christianeization, C. 370-529 2. BRILL. ISBN 9780391041219.
- Molin, Kristian (2003). Unknown Crusaders Castles. Continuum International Publishing Group. ISBN 9781852852610.
- le Strange, Guy (1890). Palestina Under the Moslems: A Description of Syria and the Holy Land from A.D. 650 to 1500. Committee of the Palestine Exploration Fund.
- Barker, John. Syria and Egypt under the Last Five Sultans of Turkey: Being Experiences, during Fifty Years, of Mr. Consul-General Barker. Chiefly from His Letters and Journals. Volume 1. Elibron.com. ISBN 9781402187858.
- Royal Geographic Society (1886). Proceedings of the Royal Geographical Society and monthly record of geography, Volume 8. Edward Stanford.
- ↑ 1,0 1,1 1,2 Folketeljing 2004 Arkivert 2013-02-06 ved Wayback Machine.. Syrisk statistisk sentralbyrå (CBS). Idlib guvernement. (arabisk)
- ↑ 2,0 2,1 Boulanger, 1966, s. 476.
- ↑ Butcher, 2004, s. 133.
- ↑ 4,0 4,1 4,2 Boulanger, ed., 1966, s. 477.
- ↑ Trombley, 2001, s. 279.
- ↑ Molin, 2003, s. 68.
- ↑ le Strange, 1890, s. 437.
- ↑ Barker, 2002, s. 322.
- ↑ Syria rebels tighten noose around key Idlib city. France 24. Originally published by Agence France-Presse. 2013-02-05.
- ↑ Chulov, Martin. Inside the war for Syria's mountains. The Guardian. 2013-01-28.
- ↑ Royal Geographic Society, 1886, s. 94.