| David Baerwald | |||
| Fødd | 11. juli 1960 (64 år) | ||
|---|---|---|---|
| Fødestad | Oxford i Ohio i USA | ||
| Fødenamn | David Francis Baerwald | ||
| Opphav | USA | ||
| Sjanger | Rock, folk, folk-pop, country | ||
| Instrument | vokal, gitar, klaverinstrument, orkestrering | ||
| Tilknytte artistar | David + David | ||
| Verka som | Songar-låtskrivar, musikar | ||
David Francis Baerwald (fødd 11. juli 1960) er ein USA-amerikansk songar-låtskrivar, komponist og musikar.[1][2]
Baerwald vart først kjend i 1986 som eine halvdelen av duoen David + David med David Ricketts. Det einaste albumet deira, Boomtown, selde til platinaplate og låg over eitt år på Billboard-lista i USA. Debutsingelen «Welcome to the Boomtown» vart ein topp 40-hit i USA.[1]
Sidan skreiv Baerwald mykje musikk for andre, ofte under pseudonym, men gav òg ut to soloalbum: Bedtime Stories, med Joni Mitchell på gitar og korvokal på songen «Liberty Lies» og Triage.
Hausten 1992 starta han i lag med venen og produsenten Bill Bottrell «Tuesday Music Club», ei laus forsamling av musikarar som kvar veke spelte i lag og vart den kreative krafta bak debutalbumet til Sheryl Crow, Tuesday Night Music Club.
Songane hans er blitt spelte inn av ei rekkje varierte artistar, som frå Crow til den japanske klassiske artisten Yoshida Brothers, operalegenda Luciano Pavarotti, countryartisten Waylon Jennings, Bangles-frontkvinna Susanna Hoffs, Fishbone, countrystjerna LeAnn Rimes, jazzartisten Holly Cole, Jesca Hoop og Kristen Stewart, Nicole Kidman, Ewan McGregor, Ethan Hawke, Hayden Panettiere, Ashlee Simpson og Steven Strait, blant fleire.
Baerwald har i tillegg skrive mykje filmmusikk, mellom anna den Golden Globe-nominerte songen frå Baz Luhrmann-musikalen Moulin Rouge! kalla «Come What May».