Den europeiske samfunnsundersøkinga (engelsk European Social Survey: ESS) er ei tverrnasjonal spørjeundersøking som har vorte utført i europeiske land sidan 2001.[1] ESS har som føremål å samla inn kvantitative data for å kartleggja politiske og sosiale haldningar og verdiar, tru og åtferdsmønster for ulike folkeslag i Europa.
ESS vart utvikla av Sir Roger Jowell and Max Kaase ved European Science Foundation.[2] Ein ynskja å oppretta ein ny tidsserie av sosiale data i Europa, då eksisterande tverrnasjonale haldningsundersøkingar ikkje var gode nok til å bruka som pålitelege kjelder for kunnskap om endringar over tid i Europa og komparative analysar.
Frå 2002 har undersøkinga vorte halde kvart andre år i mange europeiske land, desse spørjeundersøkingane vert omtala som rundar (Rounds), til dømes Round 1 - 2002, Round 2 - 2004, Round 3 - 2006.[3] Round 6 - 2012 femnde 30 land.
Det er over 230 000 registrerte ESS-brukarar frå land over heile verda.
I 2005 vann ESS Descartes-prisen, som er ein årleg europeisk vitskapspris.[4]