Ding Dong Merrily on High
|
Ding dong! merrily on high |
«Ding Dong Merrily on High» er ein engelsk julesong skriven av George Ratcliffe Woodward i 1924 til ein fransk dansemelodi frå 1500-talet. Songen er inspirert av klokkeklang og mellomaldermusikk. Teksten i versa er på engelsk, medan refrenget er på latin. Han er ein populær korsong.
Tekst
[endre | endre wikiteksten]«Ding Dong Merrily on High» blei først gjeven ut i The Cambridge Carol-Book: Being Fifty-two Songs for Christmas, Easter, And Other Seasons av presten George Ratcliffe Woodward, som også tidlegare hadde skrive fleire carolsamlingar. Presten var interessert både i klokkeringing og i eldre skaldekunst, som songane i Piæ Cantiones.[1]
Teksten er gjort utprega gammalmodig gjennom val av arkaiske ord og verbformer (som «ye», «rime», «sungen» og «swungen») og bruken av makaronisk dikting typisk for mellomaldersongar.
Melodi
[endre | endre wikiteksten]Melodien Woodward brukte til «Ding Dong Merrily on High» heiter «Le branle de l'Official» og finst i Orchésographie, ei samling dansemelodiar av Jehan Tabourot (1519–1593). Komponisten Charles Wood, som Woodward hadde mykje samarbeid med, laga harmoniar til melodien i The Cambridge Carol Book. Han er også blitt arrangert av andre.
Eit særmerke for songen er den langdregne o-en i «Gloria» over fleire fallande og stigande notesekvensar.[2]
Innspelingar
[endre | endre wikiteksten]Songen er spelt inn ei rekkje gonger, mellom anna:
- 1962, 1969, 1984, 1994: Choir of King's College ved Universitetet i Cambridge
- 1970: Monty Python i sketchen «The Visitors»
- 1974: George Guest og koret ved St. John's College i Cambridge
- 1976: John Rutter og koret ved Clare College i Cambridge på Carols from Clare
- 1985: Jon Anderson på Three Ships
- 1985: The Canadian Brass på A Canadian Brass Christmas
- 1987: The Muppets på Muppet Family Christmas
- 1989: John Rutter og Cambridge Singers på Christmas with the Cambridge Singers
- 1990: Julie Andrews på The Sounds of Christmas: From Around the World
- 1991: The Chieftains på The Bells of Dublin
- 1999: Oslo Gospel Choir på Julenatt
- 2000: Charlotte Church på Dream a Dream
- 2006: Celtic Woman på Celtic Woman: A Christmas Celebration
- 2006: Maddy Prior på An Evening of Carols and Capers
- 2006: Blackmore's Night på Winter Carols
- 2008: Anúna på Christmas Memories
Kjelder
[endre | endre wikiteksten]- Denne artikkelen bygger på «Ding Dong Merrily on High» frå Wikipedia på engelsk, den 23. desember 2011.
- ↑ «Ding Dong Merrily on High» ved hymnsandcarolsofchristmas.com
- ↑ Ding Dong Merrily on High ved worldofchristmas.net