Dukhan

Dukhan
by
Land	Qatar
Kommune	Al Rayyan kommune
Koordinatar	25°25′10″N 50°47′32″E / 25.41944°N 50.79222°E / 25.41944; 50.79222
Areal	365,0 km²
Folketal	11 520  (2010)
Dukhan 25°25′10″N 50°47′32″E / 25.41944444°N 50.79222222°E / 25.41944444; 50.79222222
Kart som viser Dukhan. Kart som viser Dukhan.
Wikimedia Commons: Dukhan
Nettstad: Offisiell nettstad

Dukhan er ein industriby vest i kommunen Al Rayyan i Qatar.^[1] Han ligg kring 60 km vest for hovudstaden, Doha. Dukhan vert styrt av det statlege oljebyrået i Qatar, Qatar Petroleum, og var den første staden i landet det vart funne olje.^[2]

Geografi

Ein klippeformasjon i Dukhan.

Dukhan ligg i kommunen Al Rayyan kring 60 km frå Doha. Den søraustlege delen av området ligg 60 meter over havet.^[3] Delar av Dukhan i nord ligg under havnivå.^[3][4] Ei rekkje åsar av kalkstein frå eocen strekkjer seg parallelt til kystområdet.^[3] Toppen av Rus-formasjonen frå eocen stikk meir enn 25 meter opp av bakken i dette området.^[5] Den austlege delen består av lågland dekt av stein, med wadiar og senkingar.^[3] Wadi Diab er eit av dei store tørre elveleia i landet som strekkjer seg gjennom Dukhan.

Historie

Oljeleitinga i Dukhan-området byrja i 1935.^[6] I 1937 fann ein olje i Dukhan; det første større oljereservoaret på halvøya.^[2] Utbygginga av den første oljebrunnen byrja i 1939 og var ferdig same året.^[6] Den opphavlege busetnaden vart bygd som ein leir for arbeidarar frå Qatar Petroleum Company. Drifta vart lagt ned for ein periode under andre verdskrigen.^[7] 31. desember 1949 eksporterte Dukhan den første tønna med olja og utbygginga av Dukhan-feltet var ferdig i 1954.

Samferdsle

Dukhan-vegen frå Dukhan til Doha.

Den første vegen i Dukhan vart bygd i 1940 for å knyte oljeleiren til Doha. Ein ny veg vart bygd i 1948 frå Dukhan til Umm Bab og Mesaieed. I 1970-åra vart Salwa-vegen utbygd for å knyte saman alle dei fire tidlegare nemnde områda.^[8]

Arkeologi

Dukhan er ein av dei viktigaste stadane frå yngre steinalder på halvøya.^[9] Her er gjort fleire funn av steinreiskapar og våpen.^[10]

Kjelder

• Denne artikkelen bygger på «Dukhan» frå Wikipedia på engelsk, den 30. mars 2017.
  • Wikipedia på engelsk oppgav desse kjeldene:
    • Abdul Nayeem, Muhammad (1998). Qatar Prehistory and Protohistory from the Most Ancient Times (Ca. 1,000&,000 to End of B.C. Era). Hyderabad Publishers. ISBN 9788185492049. 

1. «2010 population census» (PDF). Qatar Statistics Authority. Henta 30. mars 2017. 
2. «Home page». Qatar Petroleum - Dukhan Operations. Arkivert frå originalen 17. juni 2013. Henta 30. mars 2017. 
3. Fahd Abdul Rahmn Hamad Al-Thani (1992). «The Spatial Impact of the Hydrokarbon Industry on Land and Sea Use in Qatar» (PDF). University of Durham; Durham e-Thesis. s. 105. 
4. M. Ajmal Khan, Benno Böer, German S. Kust, Hans-Jörg Barth (2006). Sabkha Ecosystems: Volume II: West and Central Asia. Springer. s. 179. ISBN 978-1402050718. 
5. Abdul Nayeem (1998), s. 6
6. Ministry of Foreign Affairs (2007). «Oil & Gas». Arkivert frå originalen 6. august 2012. Henta 3. september 2012. 
7. «Dukhan». Qatar Petroleum. Henta 30. mars 2017. 
8. Fahd Abdul Rahmn Hamad Al-Thani (1992). «The Spatial Impact of the Hydrokarbon Industry on Land and Sea Use in Qatar» (PDF). University of Durham; Durham e-Thesis. s. 138. 
9. Abdul Nayeem (1998), s. 20
10. Abdul Nayeem (1998), s. 34

Bakgrunnsstoff

Commons har multimedium som gjeld: Dukhan

Reiseguide for Dukhan frå Wikivoyage