| Electricity Singel av Captain Beefheart and his Magic Band frå albumet Safe as Milk | ||
| A-side |
«Sure 'Nuff 'n Yes I Do»[1] | |
|---|---|---|
| Utgjeve | 1967, 1978 | |
| Sjanger | ||
| Lengd | 3:07 | |
| Selskap | Buddah | |
| Låtskrivar(ar) | Herb Bermann og Don Van Vliet | |
| Captain Beefheart and his Magic Band-kronologi | ||
| «Hard Workin' Man» (1978) |
Electricity | «Ice Cream for Crow» (1982)
|
«Electricity» er ein song av Captain Beefheart og Magic Band frå 1967 på albumet Safe as Milk. Beefheart hevda at selskapet han og bandet hans hadde kontrakt med, A&M Records, droppa dei etter at medeigaren Jerry Moss høyrde songen og meinte han var «for negativ»[4] for tenåringsdottera hans. Då dei spelte inn den endelege versjonen for albumet, øydela vokalen til Beefheart mikrofonen.[5][6]
Kritikarar har sagt at songen syner mange av dei seinare kjennemerka ved vokalen til Beefheart, som den forvrengde vokalen. Gitaristen Doug Moon skildrar songen som «hint om det som kom til å kome.» Kritikarar har òg skildra thereminen på songen som ein «spøkjelsesaktig theremin på ein mest foruroligande måte.»[7] I boka Riot on Sunset Strip: Rock 'n' Roll's Last Stand in Hollywood, er «Electricity» sagt å vere ein «særs uvanleg bluessong».[8]
Medan Beefheart spelte «Electricity» som oppvarming ved Fantasy Fair and Magic Mountain Music Festival i Mt. Tamalpais i 1967 stoppa hans ongen, retta på slipset, og vandra av scenen der han falt med andletet først i graset. Han hevda seinare at han såg ei jente i publikum som var til ein gullfisk. Dette gjorde at gitaristen Ry Cooder like etter slutta i The Magic Band fordi han ikkje orka at Beefheart var så uføreseieleg.[9]
På luksusutgåva av Sonic Youth sitt Daydream Nation, frå 2007 vart denne songen med,[10] opphavleg spelt inn i 1988 for eit hyllestalbum til Captain Beefheart på Imaginary Records kalla Fast 'n' Bulbous – A Tribute to Captain Beefheart.[11][12]