Emil Lie
| Emil Lie | |
 | |
| Statsborgarskap | Noreg |
| Fødd | 29. juli 1897 Berchtesgaden |
| Død | |
| Yrke | bilethoggar |
| Far | Bernt Lie |
| Ektefelle | Cecilie Krog |
| Emil Lie på Commons | |
Emil Carl Jonas Lie (29. juli 1897–3. august 1976) var ein norsk skulptør, fødd i Berchtesgaden i Bayern. Forfattaren Bernt Lie var far hans.
Emil Lie utdanna seg ved École des Beaux-Arts i Paris. Han budde mange år i den franske hovudstaden, men flytta til Oslo i 1932. Ei «sers ven kvinneakt» står utstilt i Freiaparken i Oslo, og på Rådhusplassen i same byen er ein stor aktfigur i stein og bronse. Lie, som i den beste perioden var sterkt påverka av fransk kunst, er også representert i Nasjonalgalleriet.
Av hans best kjende verk er:
- «Bernt», bronsehovud 1926, Nasjonalgalleriet
- «Sittende gutt» (Erik), 1932; vann Prix de Viking
- «Stående kvinne» («Ba»), Modum rådhus og Nasjonalgalleriet
- «Ung kvinne», Freiaparken i Oslo
- Rådhusplassen i Oslo; konkurransevinnar (med Per Hurum) 1939, ny utforming (basseng med kvinne- og barneskulpturar) i 1950, ferdig 1960
- Niels Henrik Abel-monument, Oslo katedralskole 1953
- Minnesmerke over britiske falne på Vestre gravlund i Oslo 1960
- «I ungdommen», monument over Morten Wilhelm Wilhelmsen i Tønsberg 1961
Han laga også gallionsfigurar til fleire av Fred. Olsen sin skip.
Tidleg i karrieren var mange av arbeida til Lie abstrakte og kubistiske. Dei fleste av desse øydela han sjølv seinare, og berre få er bevart. Han gjekk så over til meir klassiske former, og mange av dei viktigaste arbeida hans er naturalistiske aktfigurar.
Lie hadde tallike verv i kunstnarorganisasjonane. Han var formann i Norsk Billedhuggerforening 1954–57 og satt i direksjonen for Kunstnernes Hus 1936–41 og 1964–65.
Kjelder
[endre | endre wikiteksten]- Norsk Allkunnebok. VIII. bandet. 1957
- Denne artikkelen bygger på «Emil Lie» frå Wikipedia på bokmål, den 4. desember 2017.