Empires and Dance
| Empires and Dance Studioalbum av Simple Minds | ||
| Språk | engelsk | |
| Utgjeve | 12. september 1980 | |
| Innspelt | Mai til juli 1980[1] | |
| Studio | Rockfield Studios i Wales | |
| Sjanger | ||
| Lengd | 45:33 | |
| Selskap | Arista | |
| Produsent | John Leckie | |
| Simple Minds-kronologi | ||
|---|---|---|
| Real to Real Cacophony (1979) |
Empires and Dance | Sons and Fascination/Sister Feelings Call (1981)
|
| Singlar frå Empires and Dance | ||
|
||
Empires and Dance er det tredje studioalbumet til det skotske new wave-bandet Simple Minds, gjeve ut den 12. september 1980 på plateselskapet Arista.[3]
Innspeling og utgjeving
[endre | endre wikiteksten]Empires and Dance vart spelt inn i Wales med Rolling Stones mobile.[3] Songane var inspirerte av opplevingane bandet hadde på turné i Europa.[4]
Sjølv om albumet gjorde det betre enn føregangaren (Real to Real Cacophony), nådde berre Empires and Dance 41. plassen på UK Albums Chart.[5] I følgje AllMusic kom dette hovudsakleg av at plateselskapet Arista berre gav ut få parti om gongen, før kvart parti vart utseld. Dette gjorde at albumet var nokså vanskeleg å få tak i.[2]
Opningssporet «I Travel» kom ut på singel i 1980, men gjekk ikkje inn på singellista. «Celebrate» var den andre singelen og var populær blant fansen, men kom først ut etter at Simple Minds hadde forlate selskapet. Dermed selde singelen dårleg. Biletdisk-utgåva på 7-tommar er ein av dei største samlarobjekta til bandet.
Etter dette albumet kom ut, flytta Simple Minds til Virgin Records, der dei fekk langt større suksess. Arista prøvde å utnytte suksessen deira med å gje ut singelen «I Travel» på nytt i 1982, i lag med samlealbumet Celebration. I 1983 gav Virgin ut «I Travel» på 12" samstundes med at selskapet fekk heile katalogen til bandet på Arista. Ingen av desse utgåvene gjekk inn på lista heller.
Mottaking
[endre | endre wikiteksten]| Meldingar | |
|---|---|
| Karakter | |
| Kjelde | Karakter |
| AllMusic |   [2] |
| NME | særs positiv[6] |
| Head Heritage | positiv[7] |
| Pitchfork | 8.1/10[8] |
| Smash Hits | 9/10[9] |
| Martin C. Strong | 8/10[10] |
| Trouser Press | generelt positiv[11] |
Empires and Dance har blitt særs godt motteke i musikkpressa.
NME-skribenten Paul Morley kalla det «ei rar, uroleg plate». I ei positiv melding la han vekt på opningssporet «I Travel» som ein av «dei beste disco-rock-songane» og «den fantastiske» «This Fear of Gods» som «noko av det mest imponerande dei har laga til no». Morley konkluderte: «Simple Minds har gått sine eigne vegar, melodramatisk og likevel modernistisk. Ein autentisk, ny musikk. Eg dansar så raskt eg kan.» [6] AllMusic skildra albumet som ein «post-punk/dance-klassikar».[2]
Innhald
[endre | endre wikiteksten]All tekst er skriven av Jim Kerr; all musikk er komponert av Simple Minds.
| Nr. | Tittel | Lengd |
|---|---|---|
| 1. | «I Travel» | 4:00 |
| 2. | «Today I Died Again» | 4:36 |
| 3. | «Celebrate» | 5:03 |
| 4. | «This Fear of Gods» | 7:03 |
| Nr. | Tittel | Lengd |
|---|---|---|
| 1. | «Capital City» | 6:15 |
| 2. | «Constantinople Line» | 4:43 |
| 3. | «Twist/Run/Repulsion» | 4:31 |
| 4. | «Thirty Frames a Second» | 5:02 |
| 5. | «Kant-Kino» | 1:52 |
| 6. | «Room» | 2:28 |
Medverkande
[endre | endre wikiteksten]- Charlie Burchill – gitar, saksofon
- Derek Forbes – bassgitar, bandlaus bassgitar
- Jim Kerr – vokal
- Mick MacNeil – klaverinstrument
- Brian McGee – trommer
Technical
- John Leckie – produsent, lydteknikar
- Simon Heyworth – mastering
- Hugh Jones – lydteknikar
- Coward – fotografi
- Ruetz – fotografi
Kjelder
[endre | endre wikiteksten]- Denne artikkelen bygger på «Empires and Dance» frå Wikipedia på engelsk, den 7. september 2020.
- Wikipedia på engelsk oppgav desse kjeldene:
- ↑ http://www.simpleminds.org/sm/timeline/index.htm
- ↑ 2,0 2,1 2,2 2,3 Kellman, Andy. «Empires and Dance – Simple Minds : Songs, Reviews, Credits, Awards : AllMusic». AllMusic. Henta 7. september 2020.
- ↑ 3,0 3,1 «Record News». NME (London, England: IPC Media): 5. 30. august 1980.
- ↑ Empires and Dance Dream Giver Redux
- ↑ «SIMPLE MINDS – Artist – Official Charts». Official Charts Company.
- ↑ 6,0 6,1 Morley, Paul (13. september 1980). «Awe and Terror from the Inner Minds». NME. Henta 7. september 2020.
- ↑ Parkes, Jason (4. mai 2006). «Julian Cope Presents Head Heritage | Unsung | Reviews | Simple Minds – Empires and Dance». Head Heritage. Henta 19. august 2016.
- ↑ Tangari, Joe. «Simple Minds: Reel to Real Cacophony / Empires and Dance | album Reviews | Pitchfork». Pitchfork. Henta 7. september 2020.
- ↑ Smash Hits, Ian Cranna, 2. oktober 1980, p.29
- ↑ «The Essential Rock Discography – Volume 1». 2006: 970.
- ↑ Schlosberg, Karen; Robbins, Ira. «TrouserPress.com :: Simple Minds». TrouserPress.com. Arkivert frå originalen 30. november 2012. Henta 12. mai 2016.