| Forty Days and Forty Nights Singel av Muddy Waters | ||
| B-side |
All Aboard | |
|---|---|---|
| Utgjeve | 1956 | |
| Innspelt | Chicago, januar 1956[1] | |
| Sjanger | Blues | |
| Lengd | 2:51 | |
| Selskap | Chess | |
| Låtskrivar(ar) | Bernard Roth | |
| Produsent | Leonard Chess, Phil Chess | |
| Muddy Waters-kronologi | ||
| «Trouble No More» (1955) |
Forty Days and Forty Nights | «Don't Go No Farther» (1956)
|
«Forty Days and Forty Nights» er ein bluessong spelt inn av Muddy Waters i 1956. Singelen vart kalla «ei stor, dristig plate»,[2] og låg seks veker på Billboard R&B-lista, der han nådde sjuandeplass.[3] «Forty Days and Forty Nights» har vorte tolka og spelt inn av ei rekkje artistar.
«Forty Days and Forty Nights» er ein blueslåt i middels tempo med eit uregelmessig tal taktar skrive av Bernard Roth (som òg skreiv Muddy Waters-songen «Just to Be with You»).[4] Ei tidleg melding i Billboard skildra songen som «eit dramatisk stykke materiale med effektiv tekst».[5]
Songen vart spelt inn i januar 1956 for Chess Records i Chicago under gitaristen Pat Hare si første innspeling med Waters.[1] Biografen Robert Gordon skreiv: «Hare sine knasande power-akkorder krusa av forvrenging passa godt til blues i rock and roll-eksplosjonen».[2] I tillegg til Muddy Waters på vokal og Hare på gitar medverkar Little Walter på munnspel, Willie Dixon på bass, kanskje Fred Below eller Francis Clay på trommer, og Jimmy Rogers eller Hubert Sumlin på andregitar.[2][6]
Songen var ein av dei siste singlane til Waters på hitlistene og finst på fleire av samlealbuma hans, mellom anna albumet The Real Folk Blues frå 1965. Seinare spelte han inn «Forty Days and Forty Nights» til albumet Fathers and Sons i 1969 og Authorized Bootleg: Live at the Fillmore Auditorium November 4–6, 1966, som kom ut i 2009.