Freddie Garrity

Freddie Garrity
Garrity i 1965
Fødd	14. november 1936(1936-11-14)
Fødestad	Crumpsall i Manchester i England
Død	19. mai 2006 (69 år)
Dødsstad	Bangor i Wales
Aktiv	1963–2006
Sjanger	rock
Instrument	vokal
Tilknytte artistar	Red Sox, The John Norman Four, Kingfishers, Freddie and the Dreamers
Verka som	Musikar

Frederick Garrity (14. november 1936–19. mai 2006)^[1] var ein enelsk songar og skodesspelar som var frontmann og komisk element i 60-talsbandet Freddie and The Dreamers.

Biografi

Garrity var fødd i Crumpsall i Manchester, som den eldste sonen til Frederick Garrity og Elsie Clynes. Garrity arbeidde som mjølkemann medan han spelte i lokale skifflegrupper som The Red Sox, The John Norman Four og til slutt The Kingfishers, som vart til Freddie and the Dreamers i 1959.^[2]

I den første tida med bandet vart det sagt at Garrity var fødd 14. november 1940 for at han skulle verke yngre og dermed appellere til ungdomen, som kjøpte dei fleste platene i Storbritannia på denne tida..^[3][4]

Varemerket til Garrity var den komiske dansinga hans (kalla «The Freddie») og den livlege hoppinga under konsertane deira. Dette kombinert med at han var særs liten og tynn og hadde tjukke briller, gjorde at han vart ein eksentrisk person i det britiske popmiljøet tidleg i 1960-åra.

Freddie and the Dreamers vart oppløyst seint i 1960-åra, og mellom 1971 og 1973 var Garrity og den tidlegare bandkollegaen Peter Birrell med i barne-TV-showet Little Big Time. Garrity dukka òg opp i situasjonskomedien Dear John i 1987^[5] og i den amerikanske versjonen av serien i 1989.^[6] I 1993 vart han med i ein episode av Med hjartet på rette staden som ein DJ som spelte ein Freddie and the Dreamers-song, «I'm Telling You Now».^[7]

Garrity skipa ein ny utgåve av Freddie and the Dreamers og turnerte med dette bandet i nesten tjue år, men spelte ikkje inn musikk i studio. Han fortsette å spele fram til 2001, då han fekk diagnosen emfysem etter å ha kollapsa på ein flytur. Han måtte då trekkje seg attende frå musikken.^[3][8]

Garrity fekk stadig dårlegare helse og døydde i Bangor i Wales, 60 år gammal.^[3][8]

Kjelder

• Denne artikkelen bygger på «Freddie Garrity» frå Wikipedia på engelsk, den 19. mars 2018.
  • Wikipedia på engelsk oppgav desse kjeldene:
• Tobler, John (1992). NME Rock 'N' Roll Years (1. utg.). Reed International Books. CN 5585. 

1. «Last footage of Freddie Garrity of Freddie and the Dreamers». YouTube. 19. mai 2012. Henta 18. mars 2018. 
   - Matthew Bannister (26. mai 2006). «Freddie Garrity». Last Word. BBC. Henta 18. mars 2018. 
2. Pore-Lee-Dunn Productions. «Freddie and The Dreamers». Classicbands.com. Henta 18. mars 2018. 
3. «Freddie Garrity profile». Arkivert frå originalen 23. februar 2014. Henta 13. februar 2014. 
4. «Freddie Garrity: The Ultimate Rock and Pop Music History website». Rokpool.com. Arkivert frå originalen 29. oktober 2015. Henta 18. mars 2018. 
5. «Dear John-Series 2 Episode 2 - British Comedy Guide». Comedy.co.uk. Henta 18. mars 2018. 
6. «Dear John USA (1988–1992): Full Cast & Crew». IMDb.com. Henta 18. mars 2018. 
   - Freddie Garrity. «Freddie Garrity Celebrity». TVGuide.com. Henta 18. mars 2018. 
7. «Heartbeat (TV Series): Father's Day (1993): Plot Summary». IMDb.com. Henta 18. mars 2018. 
   - «Heartbeat (UK) Season 3». ShareTV.com. Henta 18. mars 2018. 
8. «Singer Freddie dies in hospital». BBC News. 20. mai 2006. Henta 18. mars 2018. 

Bakgrunnsstoff

• Freddie Garrity ved The Internet Movie Database (IMDb)
• Freddie Garrity på Allmusic.com
• Freddie and the Dreamers Tribute på Confessions of a Pop Culture Addict