Furqlus
| Furqlus | |||
| الفرقلس | |||
| by | |||
 | |||
| Land |  Syria
| ||
|---|---|---|---|
| Guvernement | Homs guvernement | ||
| Distrikt | Homs-distriktet | ||
| Nahiyah | Furqlus | ||
| Koordinatar | 34°36′0″N 37°5′0″E / 34.60000°N 37.08333°E | ||
| Folketal | 5 096 (2004) | ||
| Tidssone | EET (UTC+3) | ||
 Furqlus 34°36′00″N 37°05′00″E / 34.6°N 37.08333333°E | |||
  Kart som viser Furqlus.
| |||
Furqlus (arabisk الفرقلس, Furglus eller Furklus) er ein by sentralt i Syria i Homs guvernement, aust for byen Homs. Han ligg ved Den syriske ørkenen i aust mellom al-Qaryatayn i sør, Sadad i sørvest, Shinshar i vest, Fatim al-Amuq og al-Sayyid i nordvest, al-Mukharram i nord og Palmyra i aust. I følgje Statistisk sentralbyrå i Syria (CBS), hadde Furqlus eit folketal på 5 096 i 2004.[1]
Historie
[endre | endre wikiteksten]Tidleg historie og namn
[endre | endre wikiteksten]I bysantinsk tid i Syria, vart Furqlus kalla «Betproklis» eller «Betroklos,» som var greske translitterasjonar av det originale semittiske namnet «Beth Forklos».[2] Det latinske namnet var «Proclus».[3] Arabiseringa av den siste delen av det greske namnet var «Furqlus».[4]
Eit bysantinsk dokument seint frå 400-talet, Notitia Dignitatum, oppførte Betroklos som ein av to stader i Syria der regulære arabiske hæreiningar var stasjonært i ein provins i Fønikia. Sjølv om dei ikkje var oppført som foederati, må dei ha utmerkt seg sidan dei var oppført i Notitia Dignitatum.[5]
På 400-talet evt. var byen kontrollert av anten salihidane eller tanukhidane.[6] På 500-talet fekk ghassanidane makta i regionen som vasallar under Austromarriket.[7]
På 1200-talet vitja den syrisk geografen Yaqut al-Hamawi Furqlus i 1226, under Ajjubide-dynastiet. Han skreiv at det var «ei kjelde nær Salamiyah i Syria. Namnet er utanlands, ikkje arabisk».[8]
Den osmanske tida
[endre | endre wikiteksten]I 1838 vart Furqlus klassifisert som ein forlaten landsby av den engelske forskaren Eli Smith.[9] Seint på 1800-talet vart Furqlus, som då var busett att, råka av eit stort beduin-raid,[10] noko som var vanleg i byen som var kringsett av beduinleirar.[11] I følgje turisten John Kelman tok beduinane alle avlingane i byen og «tømde husa ... alle ting av messing som dei kunne ta med seg.» Innbyggjarane vart derfor fattige og trøytte av dei mange raida. Dei reiste igjen i frå Furqlus fram til den osmanske regjeringa i Istanbul oppretta ein større kavalerigarnison der for den osmanske hæren. Innbyggjarane i byen måtte betale ekstra skattar for det statlege vernet, noko som reduserte raida til beduinane, sjølv om dei stadig heldt fram å prøve seg.[10]
Hustypane i Furqlus vart i denne tida kalla «bikubar.» I staden for vanlege hus med falte tak, slik ein fann over det emste av Osmansk Syria, vart bikubehusa toppa med kvite, høge kuplar som enda i ein spiss som var meint å verne innbyggjarane mot regnskadar.[12] Furqlus vart styrt av ei rekkje arabiske sjeikar som leia kvar sin eigen klan.[13]
Moderne tid
[endre | endre wikiteksten]Dei syriske styresmaktene byrja i lag med styresmaktene i Iran, Venezuela og al-Bukhari-gruppa i Malaysia å byggje eit oljeraffineri i al-Furqlus i 2009. Den estimerte kostnaden til prosjektet var tre milliardar dollar og verket skulle ha ein kapasitet på å raffinere 140 000 tønner kvar dag.[14]
Kjelder
[endre | endre wikiteksten]- Denne artikkelen bygger på «Furqlus» frå Wikipedia på engelsk, den 7. juni 2014.
- Wikipedia på engelsk oppgav desse kjeldene:
- Geological Survey (2011). Minerals Yearbook Area Reports: International Review, 2009, Africa and the Middle East. Government Printing Office. ISBN 1411329759.
- Kelman, John (1908). From Damascus to Palmyra. A. and C. Black.
- Shahid, Irfan (1984). Byzantium and the Arabs in the Fourth Century. Dumbarton Oaks. ISBN 0884021165.
- Shahid, Irfan (1989). Byzantium and the Arabs in the Fifth Century. Dumbarton Oaks. ISBN 0884021521.
- Shahid, Irfan (1995). Byzantium and the Arabs in the Sixth Century. Dumbarton Oaks. ISBN 0884022145.
- le Strange, Guy (1890). Palestina Under the Moslems: A Description of Syria and the Holy Land from A.D. 650 to 1500. Committee of the Palestine Exploration Fund.
- Versteegh, Kees (2008). Encyclopedia of Arabic Language and Linguistics. BRILL. ISBN 9004144765.
- Smith, Eli; Robinson, Edward (1841). Biblical Researches in Palestine, Mount Sinai and Arabia Petraea: A Journal of Travels in the Year 1838 3. Crocker and Brewster.
- ↑ Folketeljing 2004 Arkivert 2012-04-15 ved Wayback Machine.. Syrisk statistisk sentralbyrå (CBS). Homs guvernement. (arabisk)
- ↑ Fowden, s. 61.
- ↑ Kelman, 1908, s. 243.
- ↑ Versteegh, 2008, s. 513
- ↑ Shahid, 1989, s. 221.
- ↑ Shahid, 1984, s. 486.
- ↑ Shahid, 1995, s. 199
- ↑ le Strange, 1890, s. 441.
- ↑ Smith, 1841, s. 175.
- ↑ 10,0 10,1 Kelman, 1908, s. 97.
- ↑ Kelman, 1908, s. 134.
- ↑ Kelman, 1908, s. 135.
- ↑ Kelman, 1908, s. 170.
- ↑ Geological Survey, 2011, s. 55-3.