Giddha

Folkedansarar frå Panjab opptrer ved folkedansfestivalen ‘Lok Tarang i New Delhi i 2007.

Giddha eller gidda (panjabi گدها, ਗਿੱਧਾ, giddhā) er ein panjabisk folkedans for kvinner som er utbreidd blant panjabiarar i India og Pakistan.

Giddha blir tradisjonelt dansa i ein ring av kvinner som syng og klappar. To kvinner går inn i miten av ringen og bruker mimande arm- og handrørsler til å uttrykka det songen handlar om. Dei dansar vanlegvis til eit vers før dei går ut i ringen igjen og eit anna par tek over.^[1]

Dansen blir hovudsakleg framført ved festlege eller sosiale høve,^[2] særleg i samband med såtid og innhausting.^[3]

Galleri

• 
  Framføring av boliyan-vers til giddha.
• 
  Giddha dansa ved monsunfeiringa teeyan eller teej.
• 
  Giddha-fakter
• 
  Dans ved UFV Giddha Club

Sjå òg

• Bhangra
• Jhumar
• Kikli

Kjelder

1. «South Asian arts - Pakistan», Encyclopedia Britannica (på engelsk), henta 1. desember 2019 
2. Bhargava, Gopal. Land and people of Indian states and union territories. s. 215. 
3. «Giddha | dance», Encyclopedia Britannica (på engelsk), henta 1. desember 2019