Great Orme

Great Orme
fjell
Great Orme sett frå Llandudno
Land  Wales
Område Conwy
Høgd 207 moh.
Primærfaktor 201 m
Koordinatar 53°20′0″N 3°51′20″W / 53.33333°N 3.85556°W / 53.33333; -3.85556
Kart
Great Orme
53°20′00″N 3°51′20″W / 53.333333333333°N 3.8555555555556°W / 53.333333333333; -3.8555555555556
Wikimedia Commons: Great Orme

Great Orme (walisisk Y Gogarth eller Pen y Gogarth) er eit kalksteinsnes på nordkysten av Wales i Llandudno. Det vart kalla Cyngreawdr Fynydd i eit dikt av Gwalchmai ap Meilyr på 1100-talet.[1] Det engelske namnet stammar frå det norrøne ormr fordi neset skal likna på ein sjøorm.[2] Eit liknande, men mindre nes på andre sida av Llandudno Bay i Llanrhos heiter Little Orme.

Great Orme sett frå det tidlegare fyret
Det som er att etter palasset til biskopen av Bangor frå 1200-talet er den korte veggen til venstre.

Great Orme er eit naturreservat og har status som Special Area of Conservation (særskild bevaringsområde), Heritage Coast, Country Park og Site of Special Scientific Interest (stad av særleg vitskapleg interesse). Her beiter fleire hundre skruegeiter som stammar frå eit par dronning Victoria fekk i gåve frå sjahen av Persia kort tid etter kroninga si i 1837.[3]

I klippene finst store sjøfuglkoloniar (som lomvi, krykkje, alke og havhest og noko måse. Andre fuglar som er å sjå ved Great Orme er mellom anna ravn, kyrkjeugle og vandrefalk.

Her låg ei av dei viktigaste kopargruvene i bronsealderen. Gruvedrifta stogga på 1800-talet, og i dag er det museum på staden.

Kjelder

[endre | endre wikiteksten]
  1. ↑ J. E. Caerwyn Williams (red.), Gwaith Meilyr Brydydd a'i ddisgynyddion (University of Wales Press, 1994). 9.153n.
  2. ↑ «Great Orme copper mines». BBC Cymru Wales history website. BBC Cymru Wales. 25 August 2008. Henta 26 April 2013. 
  3. ↑ «The Great Orme Kashmiri Goats». llandudno.com. Henta 6 December 2010. 

Bakgrunnsstoff

[endre | endre wikiteksten]