Gustav Borgen

Gustav Borgen
Sjølvportrett av Gustav Borgen frå 1915.
Statsborgarskap	Noreg
Fødd	10. juni 1865 Christiania
Død	16. august 1926 (61 år) Christiania
Yrke	fotograf
Gustav Borgen på Commons

Gustav Borgen (10. juni 1865–16. august 1926) var ein norsk fotograf verksam rundt 1900.^[1]

Borgen var fødd i Kristiania og arbeidde der mellom 1891 og 1922.^[2] Ein kjenner lite til dei fyrste åra hans som fotograf. I 1891 tok han over atelieret og butikken til den danske fotografen Frederik Klem. Lokala låg i Universitetsgata 6. Seinare flytta han til Karl Johans gate 45, den såkalla Groschgården. Her dreiv han fram til han selde i 1922.

I samlinga etter Borgen finner ein portrett av samtidas prominente personar, som medlemmar av regjeringa, stortingsmenn, generalar, direktørar, forfattarar og kunstnarar, og portrett av borgarlege Kristiania-familiar frå tida rundt førre hundreårsskifte. Samlinga er tilgjengeleg gjennom DigitaltMuseum.

Galleri

• 
  Kong Haakon i 1906
• 
  Henrik Ibsen
• 
  Forfattaren Jonas Lie
• 
  Bjørnstjerne Bjørnson

Referansar

1. Gustav Borgen i Fotografregisteret.
2. Gustav Borgen frå Norsk Folkemuseum