Hanne Hegh

Hanne Hegh
Statsborgarskap	Noreg
Fødd	27. april 1960 (64 år) Oslo
Yrke	handballspelar, handballtrenar

Hanne Hegh (fødd 27. april 1960) er ein norsk tidlegare handballspelar som vann VM-bronse i 1986 og OL-sølv 1988 med Noregs handballandslag for kvinner. Ho vann elles fire noregsmeisterskap og to seriemeisterskap med Gjerpen IF.

Hegh debuterte for Noreg 2. november 1979. Ho var kaptein på dei norske landslaga som vann bronsemedalje i handball-VM 1986 i Nederland og sølvmedalje under Sommar-OL 1988 i Seoul. Hegh deltok i si siste meisterskapsturnering ved handball-VM 1990. Ho var playmaker (spelesjef) i angrepsspelet og skåra 361 mål på sine 202 landskampar.

Med idrettslaget Gjerpen IF vann Hegh NM-finalen i 1985, 1986, 1990 og 1992 og seriemeisterskapen i 1991 og 1993.

Også dottera Emilie Hegh Arntzen har vunne meistertitlar med det norske handballandslaget.

Merittar

• VM 1986: Bronsemedalje etter 23–19 mot Aust-Tyskland
• OL 1988: Sølvmedalje etter 20–23 mot Sør-Korea
• VM 1990: Nr 6 med Noreg

Kjelder

• Denne artikkelen bygger på «Hanne Hegh» frå Wikipedia på tysk, den 4. desember 2016.