Hanson-formasjonen
| Hanson-formasjonen | |||
| geologisk formasjon | |||
| Land |  Antarktis
| ||
|---|---|---|---|
| Fjellkjede | Victoria Group | ||
| Topp | Mount Kirkpatrick i Ross Dependency | ||
| Periode | Juratida | ||
| Administrert under | Antarktistraktaten | ||
 Hanson Formation 84°18′S 166°30′E / 84.3°S 166.5°E | |||
Hanson-formasjonen er ein av to store steinformasjonar i Antarktis som inneheld fossil av dinosaurar. Den andre er Santa Marta-formasjonen frå seint i krittida. Ein har så langt berre funne ei handfull artar frå mesozoikum og dei fleste er ikkje gravne ut. Formasjonen er ein del av Victoria Group i Dei transantarktiske fjella, og ligg nedanom Prebble-formasjonen og oppom Falla-formasjonen.[1]
Fauna
[endre | endre wikiteksten]Dei første dinosaurane som vart oppdaga i Hanson-formasjonen var predatoren Cryolophosaurus i 1991. Funnet vart formelt skildra i 1994. I lag med desse dinosaurane fann ein fossilerte tre, noko som synte at det hadde vokse planter på overflata av Antarktis før kontinentet dreiv sørover. I tillegg vart det funne tritylodontar, planteetande pattedyrliknande reptil og pterosaurar store som kråker. Ei overrasking var at ein fann restar av prosauropodar, som ein ofte har funne på andre kontinentet, men då berre fram til den tidlege juratida. Beinfragmenta ein har funne i Hanson-formasjonen vart derimot daterte til midten av juratida, som er millionar av år seinare. I 2004 oppdaga paleontologar restane av ein stor sauropod som ikkje er formelt skildra enno.
Kjelder
[endre | endre wikiteksten]- Denne artikkelen bygger på «Hanson Formation» frå Wikipedia på engelsk, den 9. april 2013.
- Wikipedia på engelsk oppgav desse kjeldene: