Heftziba | |||
landsby | |||
Land | Israel | ||
---|---|---|---|
Region | Gilboa | ||
Distrikt | Nord distrikt | ||
Kommune | Gilboa | ||
Koordinatar | 32°31′4.8″N 35°25′31.44″E / 32.518000°N 35.4254000°E | ||
Folketal | 365 (2008)[1] | ||
Grunnlagd | 1922 | ||
• Grunnlagd av | Immigrantar frå Tsjekkoslovakia og Tyskland | ||
Tilhøyrsle | Kibbutzrørsla | ||
Heftziba 32°31′05″N 35°25′31″E / 32.518°N 35.4254°E | |||
Kart som viser Heftziba.
| |||
Wikimedia Commons: Heftziba |
Heftziba (hebraisk חֶפְצִיבָּהּ) er ein kibbutz nord i Israel. Han ligg mellom Jezreel- og Beit She'an-dalen og byane Afula og Beit She'an og høyrer til Gilboa regionale kommune. Heftziba har eit folketal på 374.
Kibbutzen vart grunnlagd i 1922 av emigrantar frå Tsjekkoslovakia og Tyskland. Han er kalla opp etter ein gard som ligg nær Hadera, der dei første nybyggjarane arbeidde før dei vart flytta og slo seg ned her. Dette namnet kjem igjen i frå Bibelen, der Gud talar om kjærleiken sin til Israel: « Den eg har kjær.» (Jesaja 62:4)
Beit Alfa-synagoga nasjonalpark ligg her, og ikkje, som ein kunne tru, i den nærliggande kibbutzen Beit Alfa. Dette er ei gammal bysantinsk synagoge, med eit mosaikkgolv som syner hebraiske månadar som svarar til teikna i dyrekrinsen.[2][3] Synagoga og den nærliggande kibbutzen har fått namn frå ein arabisk landsby som låg her tidlegare, Khirbet Bait Ilfa, som ein trur kjem frå namnet på den eldre jødiske busetnaden som synagoga låg i.