Husan

Husan
حوسان, Hussan, Housan
kommune
Husan
Namneopphav: Venleik
Land	Dei palestinske territoria
Guvernement	Betlehem guvernement
Koordinatar	31°42′35.81″N 35°08′01.90″E / 31.7099472°N 35.1338611°E / 31.7099472; 35.1338611
Areal	7,1 km²
Folketal	5 511  (2007)
Folketettleik	776 / km²
Borgarmeister	Jamal Sabatin
Husan 31°42′36″N 35°08′02″E / 31.709947222222°N 35.133861111111°E / 31.709947222222; 35.133861111111
Kart som viser Husan. Kart som viser Husan.
Wikimedia Commons: Husan

Husan (arabisk حوسان) er ein palestinsk by nord for Gush Etzion regionale kommune, ni kilometer vest for Betlehem i Betlehem guvernement. I følgje Palestinsk statistisk sentralbyrå hadde Husan hadde eit folketal på 5 511 i 2007.^[1]

Etymologi

På arabisk, tyder husan «venleik». Namnet kan òg kome frå Hassan kloster, som seinare vart Husan.^[2]

Historie

Dei eldste funna i landsbyen er datert attende til jernalderen. Andre funn er gjort frå tida etter den babylonske eksiltida og frå mellomalderen.^[3] Dei opphavlege innbyggjarane kom frå Den arabiske halvøya og Jemen på 200-talet.^[2] Ein har òg funne keramikk frå bysantinsk tid.^[4]

Osmansk tid

Husan, vart som resten av Palestina, ein del av Det osmanske riket i 1517, og i skattelister frå 1596, stod landsbyen oppført som ein del av Quds nahiya i Quds liwa. Han berre muslimske innbyggjarar med 12 hushaldningar og betalte skatt for kveite, bygg, sommaravlingar, vindruer og frukttre, grønsaker og frukthagar, tilfeldige inntekter, geiter og/eller bikubar.^[5]

Då den franske oppdagaren Victor Guérin vitja Husan i juni 1863, skreiv han at han låg på eit fjell.^[6] Seinare i august same året, skreiv at han staden berre var busett av eit fåtal innbyggjarar, og at husa låg kring eit tårn.^[7]

I 1883 skildra Palestine Exploration Fund i Survey of Western Palestine Hausan som ein liten steinlandsby på ein flat rygg, med ein bratt dal i nord og ein brunn i sør.^[8]

Det britiske mandatet

I folketeljinga i 1922, utført av Dei britiske mandatstyresmaktene, hadde Husan ein muslimsk folkesetnad på 396 innbyggjarar.^[9] Dette auka i folketeljinga i 1931 til 540, framleis alle muslimar, i 122 hus.^[10]

I 1945 var folketalet 770, alle arabarar, som eigde 7 252 dekar land i følgje ei offisiell landmåling.^[11] Av dette var 1 972 dekar for korn,^[12] medan 37 dekar vart utbygd (urbant) land.^[13]

Etter 1948

Etter den den arabisk-israelske krigen i 1948, og etter våpenkvileavtalen i 1949, var Husan under jordansk styre.

Den 27. oktober 1996 vart ein 10 år gammal palestinsk gutt slegen i hel av ein isarelsk busetjar, medan guten var på veg heim frå skulen. Han døydde av skadane dagen etter.^[14]

Kjelder

• Denne artikkelen bygger på «Husan» frå Wikipedia på engelsk, den 1. oktober 2015.
  • Wikipedia på engelsk oppgav desse kjeldene:
• Barron, J. B., red. (1923). Palestine: Report and General Abstracts of the Census of 1922. Government of Palestine. 
• Conder, Claude Reignier; Kitchener, H. H. (1883). The Survey of Western Palestine: Memoirs of the Topography, Orography, Hydrography, and Archeology 3. London: Committee of the Palestine Exploration Fund. 
• Dauphin, Claudine (1998). La Palestine byzantine, Peuplement et Populations. BAR International Series 726 (på fransk). III : Catalogue. Oxford: Archeopress. 
• Guérin, Victor (1869). Description Géographique Historique et Archéologique de la Palestine (på fransk). 1: Judee, pt. 2. Paris: L'Imprimerie Nationale. 
• Guérin, Victor (1869). Description Géographique Historique et Archéologique de la Palestine (på fransk). 1: Judee, pt. 3. Paris: L'Imprimerie Nationale. 
• Hadawi, Sami (1970). Village Statistics of 1945: A Classification of Land and Area ownership in Palestine. Palestinsk frigjeringsorganisasjon forskingssentral. 
• Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. ISBN 3-920405-41-2. 
• Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 

1. 2007 PCBS Census Palestinsk statistisk sentralbyrå. s.117.
2. Husan profile
3. Hussan Old Core The Centre for Cultural Heritage Preservation
4. Dauphin, 1998, s. 913
5. Hütteroth and Abdulfattah, 1977, s. 115
6. Guérin, 1869, pt. 2, s. 385
7. Guérin, 1869, pt. 3, s. 383
8. Conder og Kitchener, 1883, s. 25
9. Barron, 1923, Table VII, Subdistrict of Betlehem, s. 18
10. Mills, 1932, s. 36
11. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 57
12. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 102
13. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 152
14. UN, arkivert frå originalen 6. november 2014, henta 1. oktober 2015 

Bakgrunnsstoff

• Velkomen til Husan