| I Won't Back Down Singel av Tom Petty frå albumet Full Moon Fever | ||
| B-side |
«The Apartment Song», «Don't Treat Me Like a Stranger» (12" og CD) | |
|---|---|---|
| Utgjeve | April 1989 | |
| Innspelt | 1988 | |
| Sjanger | Heartland rock | |
| Lengd | 2:59 | |
| Selskap | MCA | |
| Låtskrivar(ar) | ||
| Produsent |
| |
| Tom Petty-kronologi | ||
| «All Mixed Up» (1987) |
I Won't Back Down | «Runnin' Down a Dream» (1989)
|
«I Won't Back Down» er ein song av Tom Petty og den første singelen frå det første soloalbumet hans, Full Moon Fever i 1989. Songen vart skriven av Petty og Jeff Lynne og nådde 12. plassen på Billboard Hot 100 og toppa Album Rock Tracks-lista i fem veker.
Petty snakka om innspelinga av songen i Mojo: «På innspelinga song George Harrison og spelte gitar. Eg var frykteleg forkjølt den dagen, og George drog til ein butikk og kjøpte ingefærrot til meg, som han kokte opp og eg måtte stikke hovudet over kjelen slik at ingefæren opna opp biholene mine. Så gjekk eg inn i studio og song songen.»[1]
Teksten inneheld ei melding om å stå opp mot styrkar som gjer det vanskeleg for ein, eller kanskje undertrykking:
På grunn av temaet i songen vart songen ofte spelt på amerikansk radio etter terroråtaka 11. september 2001.[2] Petty og the Heartbreakers spelte ein roleg, men fast versjon av songen på fjernsynssendinga America: A Tribute to Heroes etter åtaka i 2001.[2][3]
I dokumentarfilmen Runnin' Down a Dream frå 2007, sa Petty at han følte noko nøling med å gje ut songen, på grunn av den tydelege bodskapen.[4]
Musikkvideoen vart regissert av David Leland, og filma 22. og 23. mars på ein scene i Pinewood Studios og gjeve ut 24. april 1989. Traveling Wilburys-kollegaene George Harrison og Jeff Lynne er med i videoen i lag med Mike Campbell og Ringo Starr.[5] Ein kan sjå Starr spele trommer i videoen, men på den faktiske lydinnspelinga er det Phil Jones som spelar trommer.
I januar 2015 kom det fram at forlaget til Petty kontakta forlaget til Sam Smith om songen «Stay with Me» på grunn av likskapar mellom dei to songane. Det kom til ei semje der Petty og Jeff Lynne vart tekne med som låtskrivarar og fekk 12,5% av honraret for songen.[6]
| Liste (1989) | Plassering |
|---|---|
| Kanadiske RPM Top Singles | 5 |
| Tyskland | 66 |
| New Zealand | 49 |
| UK Singles Chart | 28 |
| US Billboard Hot 100 | 12 |
| US Billboard Album Rock Tracks | 1 |
| US Billboard Modern Rock Tracks | 29 |
| US Cash Box Top 100 Singles | 11 |
Songen er òg nedlastbar for videospelet Rock Band 2
