Joint Warfare Centre

Joint Warfare Centre

HovudkontorStavanger kommune
LandNoreg
Dagleg leiarReinhard Wolski
Nettstadhttp://www.jwc.nato.int/

Joint Warfare Centre (JWC) ('Felles krigføringssenter') er eit militært fjellanlegg på Jåttå i Stavanger som vert brukt til trening og utdanning av personell som yrkjer ved dei operative hovudkvartera til NATO.[1]

JWC er direkte lagt under NATO-hovudkommandoen Allied Command Transformation i Norfolk, USA.[2]

Soge

[endre | endre wikiteksten]

Allereie frå folkevandringstida har ein hatt ein bygdeborg ved Jåttånuten.[3]

I 1943, under den andre verdskrigen, byrja tyskarane å byggja eit hovudkvarter inne i fjellet under Jåttånuten.[4] Dette vart fullført av Forsvaret i slutten av 1950-åra og Luftforsvaret og Kystvakta flytta inn hit i 1957.

I 1994 kom forlauparen til JWC inn: Headquarters Allied Forces North Europe. I 2000 vart det endra til Joint Command North (JCN), dinest opprettinga av Joint Warfare Centre i 2003.

I 2003 vart JWC oppretta i samband med omlegginga av kommandostrukturen til NATO, som vart vedteke i Praha november 2002.[5] Føremålet med senteret er å utvikla NATO til ein førebudd og fleksibel organisasjon, og dessutan utdanna personell ved dei operative hovudkvartera.

Tidlegare heldt også Fellesoperativt hovudkvarter til på Jåttå, men vart i 2009 flytta til Reitan i Nordland og døypt om til Forsvarets operative hovudkvarter.

Oppgåver

[endre | endre wikiteksten]

Oppdrag

[endre | endre wikiteksten]
  • Planleggja, førebu og gjennomføra kollektive treningar på operasjonelt og strategisk nivå, inkludert testing, validering og integrering av nye konsept og doktrineutvikling.
  • Utvikla og styrkja relasjonar og integrering av nasjonale trenings- og kommandoorganisasjonar, statlege og ikkje-statlege organisasjonar.[6]

Misjon

[endre | endre wikiteksten]
  • Bidraga med samtrening og effektivisering på operasjonelt og strategisk nivå.
  • Gjennomføra trening av felles stabar (NATO Command Structure/NATO Force Structure).
  • Støtta, oppretthalda og vidareutvikla NATO sitt konsept og doktrineutvikling.[7][6]

Kjelder

[endre | endre wikiteksten]
  1. ↑ Hem, Mikal (30. september 2022). «I denne fjellhallen skal Nato simulere krig». forsvaretsforum.no (på norsk bokmål). Henta 1. oktober 2022. 
  2. ↑ «Nato-basen på Jåttå skal oppgraderes». www.aftenbladet.no (på norsk bokmål). Henta 1. oktober 2022. 
  3. ↑ «Fakta om Hinna kommunedel | Stavanger kommune», www.stavanger.kommune.no (på norsk bokmål), 17. oktober 2017, henta 13. oktober 2023 
  4. ↑ «Sluttstrek satt for Jåttå». Avisa Nordland (på norsk). 18. juni 2010. Henta 8. februar 2023. 
  5. ↑ «History». www.jwc.nato.int (på engelsk). Henta 13. oktober 2023. 
  6. ↑ 6,0 6,1 «Who we are» (på engelsk). JWC. Henta 13. oktober 2023. 
  7. ↑ «Mission» (på engelsk). JWC. Henta 13. oktober 2023. 

Bakgrunnsstoff

[endre | endre wikiteksten]