Julis

Denne artikkelen handlar om landsbyen i Israel. For den palestinsk-arabiske landsbyen i Gaza, sjå Julis i Gaza.

Julis
ג'וּלִס, ג'וליס, جولس
lokal kommune
Land	Israel
Distrikt	Nord
Koordinatar	32°56′39″N 35°11′9″E / 32.94417°N 35.18583°E / 32.94417; 35.18583
Areal	3,97 km²
Folketal	5 400  (2007)
Folketettleik	1 360 / km²
Grunnlagd	1500-talet
•  Bystatus	1967
Borgarmeister	Nadeem Amar
Julis 32°56′38″N 35°11′12″E / 32.943888888889°N 35.186666666667°E / 32.943888888889; 35.186666666667
Kart som viser Julis. Kart som viser Julis.
Wikimedia Commons: Julis

Julis (arabisk جولس, hebraisk ג'וּלִס)^[1] er ein drusarar-landsby og lokal kommune i Nord distrikt i Israel.

Etymologi

I følgje ei lokal segn kjem namnet frå «Julius,» namnet på den romerske kommandanten som slo leir i området. Andre meiner det kjem frå det arabiske ordet for «å sitje» - «jalis», sidan han ligg i lågare åsar enn dei kringliggande landsbyane, og dermed ser ut til å sitje.

Historie

I følgje osmanske skattelister frå 1596 hadde Julis ein hovudsakleg muslimsk folkesetnad med i alt 79 hushaldningar. Dei betalte skatt for kveite, bygg, «sommaravlingar», frukttre, og «geiter og bier». Julis hadde òg ei presse for olivenolje eller druesirup.^[2] På 1500-talet var det òg ein liten jødisk folkesetnad her.^[3]

Tidleg på 1700-talet var Julis ein av dei store bomullsprodusentane i området.^[4] Seinare på hundreåret var han ein av fem landsbyar i Sahil Akka nahiya (Akko-kysten), som var eigd av guvernøren i Akko, og var friteken frå dei vanlege osmanske skattane.^[5]

I 1875 vitja den franske oppdagaren Victor Guérin landsbyen, som han kalla Djoules.^[6] Han skreiv at «før eg kom til Julis kom eg til eit lite platå med mange cisterner. Cisternne og dei utskjerte steinen syner at staden er frå antikken.»^[7] Seint på 1800-talet vart Julis skildra som «ein landsby bygd av stein med kring 200 drusarars, omgjeve av oliven og dyrkbar mark.»^[8]

Moderne tid

Grava til sjeik Ali Fares i Julis

Julis vart erobra av det israelske forsvaret under Operasjon Dekel, 8-14. juli 1948. I motsetnad til mange av nabolandsbyane, fekk innbyggjarane lov å vere att i heimane sine.^[9]

Julis fekk status som lokal kommune i 1967. Folketalet mot slutten av 2007 var estimert til 5 400.^[10] Alle innbyggjarane er drusarar.

Kjelder

• Denne artikkelen bygger på «Julis» frå Wikipedia på engelsk, den 13. desember 2014.
  • Wikipedia på engelsk oppgav desse kjeldene:
• Barron, J. B., red. (1923). Palestine: Report and General Abstracts of the Census of 1922. Government of Palestina. 
• Cohen, A. (1973), Palestine in the Eighteenth Century: Patterns of Government and Administration, Hebraisk universitet, Jerusalem. Sitert i Petersen, (2001)
• Conder, Claude Reignier; Kitchener, H. H. (1881). The Survey of Western Palestine: Memoirs of the Topography, Orography, Hydrography, and Archeology 1. London: Committee of the Palestine Exploration Fund. 
• Guérin, Victor (1880). Description Géographique Historique et Archéologique de la Palestina. Vol 3: Galilea, pt. 2. 
• Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral  s. 40^{[daud lenkje]}
• Hütteroth, Wolf-Dieter and Kamal Abdulfattah (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft.  Sitert i Petersen, 2001.
• Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestina. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder and Kitchener, R. E. Transliterated and Explained by E.H. Palmer. Committee of the Palestine Exploration Fund. 
• Petersen, Andrew (2001): A Gazetteer of Buildings in Muslim Palestine: Volume I (British Academy Monographs in Archeology)''

1. Palmer, 1881, s.43
2. Hütteroth and Abdulfattah, 1977, s. 191. Sitert i Petersen, 2001, s. 191
3. Alex Carmel, Peter Schäfer and Yossi Ben-Artzi (1990). The Jewish Settlement in Palestine, 634–1881. Beihefte zum Tübinger Atlas des Vorderen Orients : Reihe B, Geisteswissenschaften; Nr. 88. Wiesbaden: Reichert. s. 94. 
4. Cohen, 1973, s. 12. Sitert i Petersen, 2001, s.191
5. Cohen, 1973, s. 126, 133. Sitert i Petersen, 2001, s. 191
6. Guérin, 1880, s. 8
7. Guérin, 1880, s. 8, as translated by Conder and Kitchner, 1881, s. 169
8. Conder and Kitchener, 1881, I:146. Sitert i Petersen, 2001, s.191
9. Morris, Benny (1987) The birth of the Palestinian refugee problem, 1947-1949. Cambridge University Press. ISBN 0-521-33028-9. s.198
10. «Table 3 - Population of Localities Numbering Above 1 000 Residents and Other Rural Population» (PDF). Israelsk statistisk sentralbyrå. 30. juni 2008. Henta 4. oktober 2008. 

Bakgrunnsstoff

• Velkomen til Julis