Lakselus
| Lakselus | |
 Lakselus | |
| Systematikk | |
| Rike: | Dyr Animalia |
| Rekkje: | Leddyr Arthropoda |
| Underrekkje: | Krepsdyr Crustacea |
| Klasse: | Maxillopoda |
| Orden: | Siphonostomatoida |
| Familie: | Caligidae |
| Slekt: | Lepeophtheirus |
| Art: | Lakselus L. salmonis |
| Vitskapleg namn | |
| Lepeophtheirus salmonis | |
Lakselus er ein art i gruppa hoppekreps. Ho lever som parasitt på laks. Ho lever av slimet, huda og blodet til fisken.[1]
Hovudbryststykket er breitt og skjoldforma, og brukast som sugekopp. Bakkroppen er smalare, og hos hoene fylt med egg. Hoenes bakkropp har òg to lange eggsekker. Lakselusa nyttar føtene til å flytte seg rundt på verten eller symje.[2]
Livssyklusen består av ti trinn, med hudskifte imellom. I det frittsvømmande nauplius-stadiet har ho ei lengde på 0,54 til 0,85 mm.[3] I copepodit-stadiet er ho ca. 0,7 mm lang og angrip fisken. I chalimus-stadiet er ho 1,2 til 2,8 mm lang.
Lakselusa sug næring hjå fisken og veks til 5 mm lengde for hannane og 10 mm for hoene. Kvar generasjon tek ca. 6 veker ved ein temperatur på 10–12 °C
Det har vorte forska på arten i samanheng med problema den skapar i akvakulturen, men me veit lite om livet til lakselusa i naturen. Det har vorte synt at lakselus-infeksjonar i oppdrettsanlegg kan skape epizootiar hos ville fisk.
Referansar
[endre | endre wikiteksten]Bakgrunnsstoff
[endre | endre wikiteksten]- Lakselus – årsaker til økte forekomster og mulige konsekvenser på villfisk - regjeringen.no
- Ecological Genetics of Parasitic Sea Lice - st-andrews.ac.uk
- (no) lakselus hos Artsdatabanken
- (en) lakselus – oversikt og omtale av artane i WORMS-databasen
- (en) lakselus i Encyclopedia of Life
- (en) lakselus i Global Biodiversity Information Facility
- (sv) lakselus hos Dyntaxa
- (en) lakselus hos Fauna Europaea
- (en) lakselus hos ITIS
- (en) lakselus hos NCBI
- (en) Kategori:Lepeophtheirus salmonis – bilete, video eller lyd på Wikimedia Commons
