Nordnorsk Kunstmuseum

69°38′53.369″N 18°57′35.543″E / 69.64815806°N 18.95987306°E / 69.64815806; 18.95987306

Nordnorsk Kunstmuseum
Stad	Tromsø kommune
Skipa	1. november 1985; 39 år sidan (1985-11-01)
Opna	17. mars 1988; 36 år sidan (1988-03-17)
Nettstad	www.nnkm.no
Nordnorsk Kunstmuseum 69°38′53″N 18°57′36″E / 69.64815806°N 18.95987306°E / 69.64815806; 18.95987306

Nordnorsk Kunstmuseum er eit kunstmuseum i Tromsø, skipa 1. november 1985 som ei stifting med mål om å spreia kunnskap og interesse for biletkunst og kunsthandverk i Nord-Noreg^[1].

Historie

I 1979 blei behovet for eit nordnorsk kunstmuseum undersøkt av Norsk kulturråd. Nordnorsk Kulturråd, Universitetet i Tromsø, Riksgalleriet og Nasjonalgalleriet. Det blei opna 17. mars 1988 med Frode Haverkamp som direktør. Siden har både Anne Aaserud og Knut Ljøgodt hatt direktørstillinga.^[2] Jérémie Michael McGowan var direktør ved Nordnorsk Kunstmuseum frå 2016 til 2020^[3][4]

Museet heldt opphavleg til i Tromsø Kunstforening sine lokale i Musegata til Sjøgata 1 ved Prostneset. I 2002 flytta Nordnorsk Kunstmuseum til dei noverande lokala sine i Sjøgata 1. Bygningen frå 1915 var teikna av arkitekten Søren Wiese Opsahl for å husa post- og telegrafkontor. Derette var han politistasjon frå 1967. Museet ligg i det eldste gateløpet i Tromsø, med fasaden mot Roald Amundsens plass.

Samlingar og utstillingar

Nordnorsk Kunstmuseum viser fram ulike temporære utstillingar med både historisk og samtidig kunst^[5]. Sentrale kunstnarar er Peder Balke, Adelsteen Normann, Harriet Backer, Anna-Eva Bergman og Olav Christopher Jenssen. Den faste samlinga består av verk frå museet si eiga samling, supplert med verk deponerte frå Nasjonalmuseet, SpareBank 1 Nord-Norges kunststiftelse, Sparebankstiftelsen DNB NOR, Tromsø Kunstforening og private samlingar.

Nordnorsk Kunstmuseum har ansvar for heile den nordlege delen av Noreg. I 2010 oppretta det ei eiga avdeling for landsdelsdekkande program. Avdelinga turnerer årleg 2-3 mellomstore utstillingar i dei tre nordlegaste fylka og på Svalbard. I tillegg turnerer formidlingsavdelinga til museet rundt 20 mindre undervisingsbaserte vandreutstillingar til rundt 200 skular i heile landsdelen.

7. februar 2015 opna Nordnorsk Kunstmuseum filialen Kunsthall Svalbard i Longyearbyen, eit dedikert utstillingsrom for visuell kunst som også hadde som føremål å driva omvisingar, formidling, verkstader og workshops.^[6] Kunsthallen blei offisielt opna av dronning Sonja, og den første utstillinga var Glacier av Joan Jonas.

30. mars 2017 blei Nordnorsk Kunstmuseum kåra til Årets museum 2017 av Norges museumsforbund.^[7] Museumsperformancen Sámi Dáiddamusea, i samarbeid med RiddoDuottarMuseat, vann Kunstkritikerprisen 2018^[8], Tromsø kommunes kulturpris 2017^[9] og Norsk Publikumsutvikling sin pris for Neste praksis 2017.^[10]

Direktørar

• Frode Haverkamp (1986–1994)
• Anne Aaserud (1994–2008)
• Knut Ljøgodt (2008–2016)^[11]
• Jérémie Michael McGowan (2016-2020)

Fotogalleri

• 
  Peder Balkes, Fra Nordkapp (1860-talet)
• 
  Peder Balke, Landskap fra Finnmark med same og reinsdyr
• 
  Peder Balke, Strandparti
• 
  Kjell Varvin, O'HOY (1995)
• 
  François-Auguste Biard, Læstadius preker for samene
• 
  Gerhard Munthe, Beilerne (Nordlysdøtrene)
• 
  Thorvald Hellesen, Komposisjon
• 
  Adelsteen Normann, Kystlandskap og fjell
• 
  John Savio, Selvportrett
• 
  Frida Hansen, Blå roser
• 
  Thorolf Holmboe, vasedekor med fisk og maneter

Kjelder

1. «Nøkkelopplysninger fra Enhetsregisteret - Brønnøysundregistrene», w2.brreg.no, henta 14. desember 2020 
2. «Nordnorsk Kunstmuseum». Store norske leksikon (på norsk). 29. august 2018. Henta 16. desember 2018. 
3. «Ny direktør ved Nordnorsk Kunstmuseum | Nordnorsk Kunstmuseum». nnkm.no. Arkivert frå originalen 6. juni 2021. Henta 26. oktober 2016. 
4. «Styret bytter ut ledelsen: Løser direktøren fra sin stilling». www.nordlys.no (på norsk). 30. mars 2020. Henta 18. mai 2020. 
5. «Utstillinger | Nordnorsk Kunstmuseum», www.nnkm.no, henta 14. desember 2020 
6. «Et innblikk i Kunsthall Svalbard | Nordnorsk Kunstmuseum». nnkm.no. Arkivert frå originalen 26. oktober 2016. Henta 26. oktober 2016. 
7. «Nordnorsk Kunstmuseum er Årets museum 2017 – Norges museumsforbund». museumsforbundet.no (på norsk bokmål). Henta 18. mai 2017. 
8. «Kunstkritikerprisen til RiddoDuottarMuseat og Nordnorsk Kunstmuseum». Kritikerlaget (på norsk bokmål). Henta 30. desember 2018. 
9. «arkivkopi» (PDF). www.tromso.kommune.no. Arkivert frå originalen (PDF) 16. april 2019. Henta 30. desember 2018. 
10. «Nordnorsk Kunstmuseum | Neste praksis | Norsk publikumsutvikling». norskpublikumsutvikling.no (på engelsk). Arkivert frå originalen 30. desember 2018. Henta 30. desember 2018. 
11. «Nordnorsk Kunstmuseum». Store norske leksikon (på norsk). 29. august 2018. Henta 16. desember 2018. 

• Denne artikkelen bygger på «Nordnorsk Kunstmuseum» frå Wikipedia på bokmål, den 16. april 2019.

Bakgrunnsstoff

• Offisiell nettstad
• arkitekturguide om lokalitetene
• historikk
• statsrådens hilsen