Odd

Odd er eit namn som kan stå åleine som mannsnamn og som namnedel i både manns- og kvinnenamn. Namnedelen har norrønt opphav og kan tyda noko kvast, som ein pil- eller spydspiss.

Odd er eit mykje brukt namn i Noreg. I 2009 var det 23 245 som hadde Odd som første førenamnet, men berre 5 637 hadde det som einaste førenamn. Namnet var mest brukt på førstedelen av 1900-talet, med ein topp i 1920-åra. Då kunne opptil 2,5 % av nyfødde gutar få namnet årleg.

Kultur

Orvar-Odd er namnet på ein norrøn sogehelt. Namnet tyder 'Pile-Odd' eller til og med 'Pilspiss'.

Namnesamansetjingar

Mannsnamn	Kvinnenamn
Oddbjørn Oddgeir Oddleif Oddvar Oddvin Torodd	Oddbjørg Oddlaug Oddny Oddrun Oddveig

Kjende namneberarar

Odd Sverressøn Klingenberg (1871-1944), norsk jurist, stortingspolitikar og minister
Odd Eidem (1913-1988), norsk forfattar og kritikar
Odd Aukrust (1915-2008), norsk sosialøkonom
Odd Abrahamsen (1924-2001), norsk diktar
Odd Børretzen (f. 1926), norsk forfattar
Odd Bakkerud (1931-1989), norsk hardingfelespelar
Odd Børre Sørensen (f. 1939), norsk musikar og Eurovision-deltakar
Odd Bondevik (f. 1941), norsk biskop
Odd Einar Dørum (f. 1943), norsk politikar, partileiar og justisminister
Odd Nerdrum (f. 1944), norsk kunstnar
Odd Iversen (f. 1945), norsk fotballspelar
Odd Karsten Tveit (f. 1945), norsk journalist
Odd Aalen (f. 1947), norsk matematikar
Odd Reitan (f. 1951), norsk forretningsmann
Odd Nordhaug (f. 1953), norsk forfattar og økonomiprofessor
Odd Einar Haugen (f. 1954), norsk forfattar og professor
Odd Roger Enoksen (f. 1954), norsk politikar (Sp)
Odd Eriksen (f. 1955), norsk politikar og nærings- og handelsminister
Odd-Bjørn Hjelmeset (f. 1971), norsk langrennar
Odd Nordstoga (f. 1972), norsk musikar

Merknad

I nyare tid har menn som heiter Odd opplevd at engelsktalarar ser litt rart på dei, ettersom odd tyder rar eller underleg på engelsk.

Bakgrunnsstoff

Søk etter norsk namnestatistikk for Odd hjå Statistisk Sentralbyrå