«You'll Miss Me (When I'm Gone)» (med Bobby McClure) (1965)
Rescue Me
«Recovery» (1965)
«Rescue Me» er ein rhythm and blues-song først spelt inn og gjeven ut på singel av Fontella Bass i 1965. Den originale versjonen av songen,[1] og BMI,[2] har Raynard Miner og Carl William Smith oppført som låtskrivarar, men mange kjelder har òg med Bass sjølv som medlåtskrivar.[3][4][5][6][7] Det vart den største hitten til Bass og han låg fire veker på toppen av R&B-lista og nådde fjerdeplassen på Billboard Hot 100.[8] «Rescue Me» nådde 11. plassen på UK Singles Chart.[9]
I følgje forfattaren Robert Pruter i boka si Chicago Soul, kom songen til under ei øving hos Chess Records:[10] «'Rescue Me' var eit glimrande døme på Chess-studiosystemet på sitt beste. Ein laurdag i august 1965 sa Bass i eit øvingsstudio med produsentane og låtskrivarane Carl Smith og Raynard Miner. Dei leika seg med ein song då arrangøren Phil Wright kom inn og dei fire i lag skapte 'Rescue Me'. [Billy] Davis produserte denne songen...» Bass hevda at sjølv om Smith, Miner og Davis hadde sikra ho om at ho skulle få teksten til songen tilskriven seg, vart dette aldri gjort.[11]
Bass spelte inn songen på tre forsøk på Chess Studios i Chicago. Minnie Riperton song korvokal og Maurice White og Louis Satterfield, seinare i Earth, Wind & Fire, var på trommer og bass.[11] Andre musikarar på innspelinga var Pete Cosey og Gerald Sims på gitar, Leonard Caston (seinare ein produsent hos Motown) på piano, Sonny Thompson på orgel og Charles Stepney på vibrafon. Songen hadde òg trombonar. I følgje Bas var kall-og-svar-stønna mellom henne og bassgitaren under uttoninga ikkje planlagt. I eit intervju med The New York Times i 1989 sa ho, «Då me spelte inn den songen gløymde eg noko av teksten. Den gongen så stoppa du ikkje medan lydbandet gjekk og eg hugsa frå kyrkja kva du gjorde om du gløymte orda. Eg song ‘Ummm, ummm, ummm,’ og det fungerte så bra.»[12][13]
Shirley Eikhard spelte inn ein versjon som gjekk inn på den kanadiske singellista i 1974.[17]
I 1974 gav Cher ut ein versjon på singel, frå albumet Dark Lady. Denne nådde 82. plassen i Canada.[18]
I 1976 spelte Melissa Manchester inn «Rescue Me» for albumet Better Days and Happy Endings. Songen kom ut på singel og nådde 78. plassen på Billboard Hot 100.
I 1979 spelte Tom Jones inn ein versjon av songen for albumet sitt Rescue Me.
Sass Jordan spelte han inn for filmmusikkalbumet American Boyfriends i 1989. Versjonen hennar nådde 44. plassen på den kanadiske singellista.
