| Robin Simon | |||
| Fødd | 12. juli 1956 (68 år) | ||
|---|---|---|---|
| Fødestad | Halifax i West Yorkshire i England | ||
| Opphav | Storbritannia | ||
| Aktiv | Sidan 1970-åra | ||
| Sjanger | New wave, postpunk, synthpop | ||
| Instrument | Gitar, korvokal, synth | ||
| Tilknytte artistar | Ultravox, Visage, Magazine, John Foxx, Neo, Ajanta Music | ||
| Verka som | Musikar | ||
Robin Simon (fødd 12. juli 1956)[1] er ein britisk gitarist, som var medlem av Ultravox, Magazine og Visage.
I 1975 flytta han til London og vart med i punkpopbandet Ians Radio (seinare kalla Neo) i 1976. Simon kom inn i Ultravox som erstatning for Stevie Shears i 1977. Han var berre med på eitt album, Systems of Romance, i 1978, før han slutta i lag med John Foxx året etter.[2][3]
I 1980 vart Simon så medlem av Magazine, der han erstatta John McGeoch.[4] Han var berre med ei kort stund, før han slutta for å spele med John Foxx på albumet Garden. Han heldt fram å spele med Foxx utover i 1980-åra. Seint i 1980-åra vart Simon med i bandet Humania, som var starta av Ultravox-medlemmet Billy Currie, etter at Ultravox vart oppløyst.[5]