Silver Threads and Golden Needles

«Silver Threads and Golden Needles» er ein song skriven av Dick Reynolds og Jack Rhodes.^[1] Han vart først spelt inn av Wanda Jackson i 1956. Originalteksten, som framført av Jackson, inneheld eit vers som vanlegvis ikkje er med på seinare versjonar.

Andre versjonar

Silver Threads and Golden Needles Singel av Linda Ronstadt frå albumet Hand Sown ... Home Grown (1969) Don't Cry Now (1974)
B-side	Don't Cry For Me Now
Språk	engelsk
Utgjeve	Februar 1974 (Asylum)
Innspelt	3. oktober 1968 (Capitol-versjonen) Juni 1973 (singel)
Sjanger	Country
Lengd	2:21 (1969) 2:28 (1974)
Selskap	Asylum 11032
Låtskrivar(ar)	Jack Rhodes og Dick Reynolds
Produsent	Chip Douglas (1968) J.D. Souther (1973)
Linda Ronstadt-kronologi
«Love Has No Pride» (1973)	Silver Threads and Golden Needles	«Desperado» (1974)

• Den britiske folk-popgruppa The Springfields hadde ein hit med songen i 1962 som nådde 20. plassen på Billboard-lista.^[2] Dette var den første singelen av ei britisk gruppe som nådde topp 20 på den amerikanske Billboard-lista.
• Skeeter Davis spelte inn ein versjon i 1962 etter Springfields-hitten for eit album. Davis-versjonen kom ut på singel på RCA i fleire land
• Hawkshaw Hawkins spelte inn ein versjon i 1963 for albumet The All New Hawkshaw Hawkins.
• Ein versjon spelt inn av The Everly Brothers kom ut i 1963 på albumet The Everly Brothers Sing Great Country Hits.
• Rose Maddox, Capitol 1964
• Jody Miller gav ut ein versjon i 1965 som nådde 54. plassen på Billboard Hot 100.
• Johnny Rivers gav ut eit konsertopptak i 1965 på albumet Meanwhile Back at the Whisky à Go Go.
• Pozo-Seco Singers (med Don Williams) gav ut ein versjon i 1966.
• Hong Kong-artisten Nancy Sit spelte inn songen i 1967.
• Ei innspeling tidleg i 1960-åra av Janis Joplin finst på samlealbumet Janis frå 1975.
• The Cowsills spelte inn songen på studioalbumet IIxII. Singelen nådde 77. plassen på Billboard-lista i september 1969.
• Honey Ltd. gav ut songen på singel i 1969.
• Grateful Dead framførte songen fleire gonger på konsertane sine mellom 1966 og 1970 med Bob Weir på solovokal og Phil Lesh på harmoni.
• Linda Ronstadt spelte inn og gav ut to versjonar av songen. Den første kom ut på debutalbumet hennar som soloartist i 1969, Hand Sown ... Home Grown. Den andre vart ein countrypophit på albumet Don't Cry Now i 1973. Den andre versjonen vart gjeven ut på singel og nådde topp 20 på den amerikanske countrylista same året.
• Den engelske folkrocksongaren Sandy Denny spelte inn songen i 1977 på albumet hennar Rendezvous og med bandet sitt Fotheringay. Denne versjonen vart spelt inn i 1970, men vart ikkje fullført og gjeven ut før i 2008. Denny laga ein omarbeidd versjon i 3/4-takt.
• Den amerikanske countrysongaren Crystal Gayle spelte inn songen i 1993 på albumet hennar Best Always.
• I 1993 spelte country-trioen Dolly Parton, Tammy Wynette og Loretta Lynn inn songen i lag på albumet Honky Tonk Angels. Songen kom ut på singel med musikkvideo. Han nådde 68. plassen på Billboard Hot Country Singles & Tracks-lista.^[3] Parton hadde tidlegare framført songen fleire gonger på scenen, og mellom anna på varitéshowet hennar Dolly! i 1976-1977, der ho hadde med seg gjesteartistane Linda Ronstadt og Emmylou Harris.
• Grace Under Pressure spelte inn songen på albumet Three Sheets To The Wind i 1994 på Canal Records.
• I 2012 spelte The Seekers inn songen i høve 50-årsjubileumsalbumet deira.
• Debbie Rule spelte inn songen på albumet hennar Texas Girls (2015).

Norsk versjon

Ottar «Big Hand» Johansen skreiv ein norsk tekst til songen kalla «Tomme ord og fagre løfter», spelt inn av Lillian Askeland i 1979 for albumet Stalltips.

Kjelder

• Denne artikkelen bygger på «Silver Threads and Golden Needles» frå Wikipedia på engelsk, den 29. november 2020.
  • Wikipedia på engelsk oppgav desse kjeldene:

1. https://www.songfacts.com/facts/the-springfields/silver-threads-and-golden-needles
2. Whitburn, Joel (2004). The Billboard Book of Top 40 Hits: Eighth Edition. Record Research. s. 592. 
3. Whitburn, Joel (2013). Hot Country Songs 1944–2012. Record Research, Inc. s. 255. ISBN 978-0-89820-203-8.