| Simple Man Song av Lynyrd Skynyrd frå albumet (Pronounced 'Lĕh-'nérd 'Skin-'nérd) | ||
| Utgjeve | 1973 | |
| Innspelt | 30. april 1973 | |
| Sjanger | ||
| Lengd | 5:57 | |
| Selskap | Sounds of the South | |
| Låtskrivar(ar) | Ronnie Van Zant Gary Rossington | |
|---|---|---|
| Produsent | Al Kooper | |
«Simple Man» er ein song av Lynyrd Skynyrd frå debutalbumet deira, (Pronounced 'Lĕh-'nérd 'Skin-'nérd), frå 1973.
Songen er ein av dei mest populære songane til Lynyrd Skynyrd. Sidan songen vart tilgjengeleg for digital nedlasting, har han blitt den tredje mest selde digitale songen til bandet etter «Sweet Home Alabama» og «Free Bird». Han har seld kring 1,3 millionar eksemplar i USA innan november 2013.[1]
Introen av songen vart nytta i episoden «Cold Stones» av TV-serien The Sopranos. Den første halvdelen av songen er nytta i filmen Almost Famous i 2000. Songen var tilgjengeleg for nedlasting til videospelet Rock Band i 2008.[2]
Songen vart spelt av det alterative metalbandet Deftones frå albumet B-Sides & Rarities (2005) og Covers (2011). Songen vart òg spelt inn av rockebandet Shinedown på luksusutgåva av albumet Leave a Whisper. Confederate Railroad spelte inn songen på hyllestalbumet Skynyrd Frynds.