| Snezana Pajkić | |
| Statsborgarskap | Serbia |
| Fødd | 23. september 1970 (54 år) Ćuprija |
| Yrke | mellomdistanseløpar, friidrettsutøvar |
| Språk | serbisk |
Snežana Pajkić[a] (fødd 23. september 1970) er ein serbisk tidlegare friidrettsutøvar frå Ćuprija som tevla for Jugoslavia. Ho vart europameister på 1500 meter i 1990.
Pajkić var eit stort talent på mellomdistansane. I junioralderen sanka ho fire internasjonale medaljar på 1500 m; bronse og sølv i Junior-VM 1986 og -88, samt gull i Junior-EM 1987 og 1989.
Enno ikkje fylte 20 år vann Pajkić 1500-meteren under EM i friidrett 1990, på det som då framleis var jugoslavisk heimebane i Split. Med tida 4.08,12 viste ho austtyske Ellen Kießling og sveitsiske Sandra Gasser til høvesvis sølv- og bronseplass, begge slått med eit halvt sekund.
I 1991-sesongen sette Pajkić personleg rekord på 800 meter med 2.01,78. Deretter forsvann ho frå internasjonal friidrett.