Sola i Karlstad

Sola i Karlstad

Statuen Sola i Kallsta utanfor stadshotellet i Karlstad
Statsborgarskap Sverige
Fødd 1. januar 1739
Karlstad
Død

24. september 1818 (79 år)

Yrke forretningsdrivande
Sola i Karlstad på Commons

Sola i Karlstad, eigentleg Eva Lisa Holtz[1][2] (1. januar 1739–24. november 1818), var ein svensk vertshushaldar som er blitt eit kjent symbol for byen Karlstad.

Liv

[endre | endre wikiteksten]

Eva Lisa Holtz var fødd i Karlstad den 1. januar 1739. Ho dreiv eit vertshus som låg på tomt 156 i byen. Ho vart kjend for sitt glade og «solfylte» humør, og fekk derfor tilnamnet «Sola i Karlstad». Vertshuset blei kjend som «Solas».

Ved utgravingar i sentrale Karlstad i byrjinga av 2000-talet på byggjetomta til et nytt kjøpesenter fann Riksantikvarieämbetet restane av vertshuset til Sola. Restane vart ikkje tatt vare på, men i staden vart dei hivne på fyllinga.[3]

Utanfor stadshotellet i Karlstad står ein statue av Eva Lisa Holtz, med tittelen Sola i Karlstad. Denne statuen er utført av skulptøren Herman Reijers og vart oppstilt på denne plassen i 1985.[4]

Meir sol i Karlstad

[endre | endre wikiteksten]

Det finst fleire litterære referansar til sol og solskin i Karlstad. Romanen Solen i Karlstad (1904), skrive av pseudonymet Gunnar Forssman, er ein av dei. Hovudpersonen i romanen, Elsa, blir kalla Solen i Karlstad. Til Öjebokören (grunnlagt i 1955 i Karlskoga) skreiv Rune Lindström 1957 songen «Te dans mä karlstatösera» (seinare kjend gjennom Sven-Ingvars), der ei linje i innleiinga lyder «mitt öga det blänker som sol i Karlstad stad».

Karlstads kommun gjorde i 1989 ei glad sol til sin logo. Logoen var teikna av kunstnaren Lasse Sandberg, og hadde allereie vore i bruk sidan 1984, då byen feira 400-årsjubileum.

Kjelder

[endre | endre wikiteksten]
  1. ↑ «Människor och sägner». Värmlands Museum. Henta 26. april 2008. 
  2. ↑ «Sola i Karlstad». Region Värmland, Länsstyrelsen i Värmlands län och Visit Värmland. Henta 26. april 2008. 
  3. ↑ Arne Skorup. «Solas värdshus hamnade på tippen"». Nya Wermlandstidningen. Henta 20. mai 2010. 
  4. ↑ Marie Karlsson. «Skärvor från "Sola"». Värmlands Folkblad. Henta 26. april 2008.