| Stina Nordenstam | |||
| Fødd | 4. mars 1969 (55 år) | ||
|---|---|---|---|
| Fødestad | Stockholm i Sverige | ||
| Fødenamn | Kristina Ulrika Nordenstam | ||
| Opphav | Sverige | ||
| Aktiv | 1991– | ||
| Sjanger | Alternativ rock, folk, jazz | ||
| Instrument | vokal | ||
| Plateselskap | East West Records Independiente V2 Records | ||
| Verka som | songar, låtskrivar, musikkprodusent, musikar | ||
Kristina Ulrika «Stina» Nordenstam (fødd 4. mars 1969)[1] er ein svensk songar, låtskrivar og musikar.
Nordenstam vart fødd i Stockholm. Som barn var ho påverka av samlinga til faren med klassisk musikk og jazz. Stemma hennar førte tidleg til at ho vart samanlikna med artistar som Rickie Lee Jones og Björk. Dei tidlege albuma hennar, Memories of a Colour og And She Closed Her Eyes var jazz-inspirerte med element av alternativ rock. Dynamite frå 1997 var starten på ein meir eksperimentell veg—og det meste albumet er fylt med forvrengde gitarar og uvanlege rytmar. Coveralbumet People Are Strange frå 1998, vart spelt inn på same vis. I 2001 gjekk ho over til ein meir pop-aktig stil på This Is Stina Nordenstam med gjestevokal frå Brett Anderson. The World Is Saved frå 2004, fortsette i same sporet, men med fleire innslag av jazz.
Som gjesteartist har ho samarbeidd med David Sylvian-bandet «Nine Horses», mellom anna på albumet Snow Borne Sorrow og Money for All-EPen. Ho song og med Vangelis på songen «Ask the Mountains» på Voices, og det same gjorde ho på «To the Sea» med Yello og eit samarbeid med Anton Fier. I 2000 song Nordenstam på ein song av det danske bandet Mew på albumet Half The World Is Watching Me.
Nordenstam er òg ein dyktig fotograf og har regissert musikkvideoar. Ho er kjend for å vere tilbaketrekt og gjev sjeldan intervju, og har ikkje halde konsertar sidan Memories of a Colour-turneen. Ho endrar utsjånaden ved hjelp av parykkar og sminke for plateomslag og magasin.[2]