| The McCalmans | |||
| Aktiv | 1964–2010 | ||
|---|---|---|---|
| Tidlegare medlemmer | Ian McCalman Derek Moffat Hamish Bayne Nick Keir Stephen Quigg | ||
The McCalmans var ein skotsk folkemusikktrio. Gruppa blei danna i 1964, og turnerte uavbrote fram til ho blei oppløyst i 2010. Musikken til gruppa bygde på trestemmig harmoni, humor og respekt for den skotske songtradisjonen.
The McCalmans har i alt hatt fem medlemmer sidan byrjinga. Ian McCalman, Hamish Bayne og Derek Moffat var dei tre opphavlege medlemmene. Hamish Bayne forlet gruppa i 1982, og blei erstatta av Nick Keir. Då Derek Moffat døydde i 2001, blei han erstatta av ein venn av gruppa gjennom mange år, Stephen Quigg.
Gruppa har opptredd i heile Europa og i USA, Canada, Australia, New Zealand, Bermuda, Kenya, Belize og tilmed på Falklandsøyene.
I Skottland har The McCalmans opptredd i seks store tv-seriar og radioseriar i BBC Radio.
Medlemmane har også drive med separate prosjekt. Ian McCalman har drive eit musikkstudio, medan Stephen Quigg og Nick Keir har opptredd som solistar og Nick Keir arbeidde med skodespel og film.
The McCalmans spelte inn 22 album. I tillegg er det kome ut gjenutgjevingar og samlealbum.