Tujamoseslekta | |
Systematikk | |
Rike: | Planteriket Plantae |
Overrekkje: | Landplantar Embryophytes |
Rekkje: | Bladmosar Bryophyta |
Klasse: | Bryopsida |
Underklasse: | Leddtannmosar Bryidae |
Orden: | Flettemoseordenen Hypnales |
Familie: | Thuidiaceae |
Slekt: | Tujamoseslekta Thuidium Schimp. |
Tujamose (Thuidium) er ei planteslekt med opp mot 100 artar, som er utbreidde over heile verda med unntak av polarstroka. Ho omfattar mattgrøne, opprette og tett greina mosar, som ofte dannar store teppe over veksestaden. Stenglane er krypande til oppstigande og delte. Bladaktige utvekstar på stilkane er vanlege. Blada på hovudskotet er ovale, spise og folda ved bladfoten. Bladranda er takkete av vorter ved basis, medan den er takkete lengre ut mot spissen. Blad på sideskot er ofte lik dei på hovudskotet, men litt kortare. Blada på sideskot av sideskot er langt mindre, konkave og spisse med oppbøygde kantar. Stilken, som held sporehuset, er lang og oftast glatt. Sporehuset er sylindrisk, men bøygd, så det hallar nesten vassrett.