Turid Balke
| Turid Balke | |||
 | |||
| Fødd | 25. juli 1921 | ||
|---|---|---|---|
| Fødestad | Kirkenes | ||
| Død | 5. januar 2000 (78 år) | ||
| Aktive år | 1949–2000 | ||
| Verka som | skodespelar, scenograf | ||
Turid Balke (fødd 25. juli 1921 i Kirkenes, daud 5. januar 2000 i Oslo) var ein norsk skodespelar, regissør, barnebokforfattar og scenograf.
Turid Balke filmdebuterte i 1953 i den norske filmen Brudebuketten. Ho var sist kjend som den plagsame naboen fru Smith i Karl & Co på TV2.
Biografi
[endre | endre wikiteksten]Teater
[endre | endre wikiteksten]Turid Balke scenedebuterte i 1952 og har vore tilsett ved Trøndelag Teater, Folketeatret og Chat Noir, og dessutan frilansoppdrag ved fleire scener, blant andre ved Sødra Teater i Malmø i 1959. Blant hennar tidlege teaterrollar kan ein nemna Petrea i Det lykkelige valg, Hilde i Fruen fra havet og Kvitugla i Olav Duuns Medmenneske. Ho har utover skodespelarkarrieren sin skrive og iscenesett ei rekkje stykke for barn, blant anna En modig mygg som ho blant anna sette opp på Nationaltheatret i 1972. Frå 1972 var ho saman med Pernille Anker med på å starta opp barneteaterverksemda ved Scene 7, og dei to starta i 1975 frilansgruppa Filiokusteatret, der Balke var ei drivande kraft fram til 1982.
Film og TV
[endre | endre wikiteksten]Turid Balke har òg gjort seg merka i fleire barnefilmar, blant anna i Ivo Caprinos Ugler i mosen frå 1959 og dei to Kamilla og tyven-filmane.
I 1963, 1964 og 1965 var ho programleiar for nokre av NRK TV sine barneprogram i serien I kosekroken; der framstod ho som Trollmor med ulike huslege syslar som å koka soppbrygg og stoppe sokkane til trollet Storfot.[1][2][3][4]
Ho har utover det hatt biroller i ei rekkje norske filmkomediar slik som Lån meg din kone (1958), Sønner av Norge (1961), Alle tiders kupp (1964) og Noe helt annet (1985). Ho hadde òg ei lita birolle i den amerikanske action-eventyr-filmen Den 13. krigeren frå 1999.
Biletkunstnar, forfattar og skapar av «Balkeby»
[endre | endre wikiteksten]Turid Balke hadde òg utdanning frå Statens håndverks- og kunstindustriskole og både måla og laga fargerike treleiker, som gnavbrikker, små hus og figurar i det ho kalla «Balkeby», inspirert av Kirkenes frå barndommmen hennar.[5]
Ho fekk Kulturdepartementets illustrasjonspris for tegningene i Det begynte en fredag i Finvik.
Turid Balke var oldebarn av målaren Peder Balke.
Filmroller (utval)
[endre | endre wikiteksten]- 1953 – Brudebuketten
- 1958 – Lån meg din kone
- 1959 – Støv på hjernen
- 1959 – Ugler i mosen
- 1961 – Sønner av Norge
- 1962 – Sønner av Norge kjøper bil
- 1963 – Stompa Selvfølgelig
- 1976 – Olsenbanden for full musikk
- 1988 – Kamilla og tyven
- 1989 – Kamilla og tyven II
- 1989 – Tidlös kärlek
- 1999 – Den 13. krigeren
TV-roller
[endre | endre wikiteksten]- 1975 – Benoni og Rosa (mini-serie)
- 1982 – Brødrene Dal og spektralsteinene (TV-serie)
- 1984 – Lykkeland (mini-serie)
- 1989 – Marerittet (mini-serie)
- 1998-99 – Karl & Co (TV-serie)
- 1994 – Birolle som «damen i nr.14» i Mot i brøstet (TV-serie)
Barnebøker
[endre | endre wikiteksten]- 1974: Det begynte en fredag i Finvik
- 1980: En modig mygg: et myggestikkstykke – oppført på Nationaltheatrets amfiscene 1971
- 1997: Hilsen fra Dirut
Kjelder
[endre | endre wikiteksten]- ↑ «I kosekroken med Turid Balke» (på norsk bokmål). 2. august 1963. Henta 23. november 2020 – via nrk.no.
- ↑ «I kosekroken med Turid Balke» (på norsk bokmål). 28. februar 1964. Henta 23. november 2020 – via nrk.no.
- ↑ «I kosekroken med Turid Balke» (på norsk bokmål). 18. september 1964. Henta 23. november 2020 – via nrk.no.
- ↑ «I kosekroken med Turid Balke» (på norsk bokmål). 23. september 1965. Henta 23. november 2020 – via nrk.no.
- ↑ Enger, Ruth Krefting (1993) «Turid Balke med pågangsmot og humør: En tusenkunstner med egen Balkeby». Aftenposten Morgen, 28.05.1993, s. 38
- Denne artikkelen bygger på «Turid Balke» frå Wikipedia på bokmål, den 10. november 2021.
Bakgrunnsstoff
[endre | endre wikiteksten]- Turid Balke ved The Internet Movie Database (IMDb)