Verdens Gang (1868–1923)

Karikaturtegning av Andreas Bloch fra «Korsaren» 1905: Stortingspresident Carl Berner vernar redaktørane Amandus Schibsted (Aftenposten) og Nils Vogt (Morgenbladet) mot Ola Thommessen (Verdens Gang).

Verdens Gang var opphavleg eit vekeblad, seinare ei dagsavis (frå 1885), som vart gitt ut i Kristiania mellom 1868 og 1923. Bladet vart stifta av lærar og telegrafist Peder Olsen, som også var redaktør i avisa fram til han døydde i 1876. I 1878 tok Ola Thommessen over som redaktør. Han gjorde avisa til det mest innverknadsrike dagbladet for venstresida i Noreg, og den mest utbreidde politiske avisa i landet. Etter kvart vart avisa eit organ for Frisinnede Venstre.^[1]

Norske Intelligenz-Seddeler vart ein del av Verdens Gang i 1920.

I depresjonstida etter første verdskrig fekk avisa økonomiske vanskar og i 1923 vart forlagsretten seld til Tidens Tegn, som Thommessen hadde stifta då han forlet redaktørstillinga i 1910. Verdens Gang (1868-1923) slutta dermed å eksistere.

Redaktørar

• 1868–1876: Peder Olsen
• 1876–1878: Johan Sverdrup
• 1878–1910: Ola Thommessen
• 1910–1913: Mons Monsen Mjelde
• 1913–1914: H.O. Oppedal
• 1914–1918: Herman Kristoffer Lehmkuhl
• 1918–1922: Axel Otto Normann

Referansar

1. Salmonsens konversationsleksikon utgåve=2, 1928, bind=14,side=764

Sjå også

• Verdens Gang