| Vladimír Dzurilla | |
| Statsborgarskap | Slovakia, Tsjekkoslovakia |
| Fødd | 2. august 1942 Bratislava |
| Død | 27. juli 1995 (52 år) Düsseldorf |
| Idrett | ishockey |
| Tok del i | Vinter-OL 1972, Vinter-OL 1968, Vinter-OL 1964 |
| Utmerkingar | Крыж Прыбіны I класа, Cross of the President of the Slovak Republic, 1st Class |
Vladimír Dzurilla (2. august 1942–27. juli 1995) var ein ishockeyspelar frå Bratislava som vart verdsmeister 1972, 1976 og 1977 for Tsjekkoslovakia. Han var målvakt.
Dzurilla var aktiv i Slovan Bratislava frå 1957 til 1973. Sidan spelte han 1973-75 for Škoda Plzeň og 1975-78 Zetor Brno. Etter 571 seriekampar, rekord for målvakter i den tsjekkoslovakiske ishockeyserien, flytta han 1978 til Tyskland og spelte ein sesong for EV Augsburg. Han avslutta med spel for SC Riessersee i tida 1979-82, vart vesttysk seriemeister 1981.
Dzurilla fekk sin landslagsdebut for Tsjekkoslovakia i 1960. Han representerte landet under dei olympiske vinterleikane 1964, 1968 og 1972, vann medalje i alle. I 1964 og 1972 fekk han bronse, i 1968 sølv. Frå 1965 til 1977 spelte han kvart år på VM-laget til Tsjekkoslovakia og vart verdsmeister i 1972 i Praha, 1976 i Katowice og 1977 i Wien. Elles sanka med seg tre VM-sølv og fire VM-bronsar. Både under VM 1965 og VM 1969 kom han med på All-Star Team. Dzurilla deltok i 139 internasjonale kampar.