Wolverton

Wolverton
St. George-kyrkja i Wolverton St. George-kyrkja i Wolverton
Plassering
Styresmakter
Land	Storbritannia
Konstituerande land	England
Grevskap	Buckinghamshire
Distrikt	Milton Keynes
Geografi
Innbyggjarar  - By (2007)	64 486
Koordinatar	52°04′N 0°49′W / 52.067°N 0.817°W / 52.067; -0.817
Diverse annan informasjon
Postnummer	MK12
Telefon-retningsnummer	01908
Commons har multimedium som gjeld: Wolverton

Wolverton er ein bydel i Milton Keynes i Buckinghamshire i England. Han var fram til 1960-åra ein eigen by, men vart innlema i den nye byen som vart anlagt. Han ligg nord for sentrum i Milton Keynes, i nærleiken av Stony Stratford.

Namnet er av angelsaksisk opphav, og tyder Wulfheres gods. Han blir nemnt i Domesday Book som Wluerintone. Opphavleg var han ein liten landsby nordvest for dagens sentrum. Det området er kjent som Old Wolverton, men det er ingen spor etter mellomalderbusetnad der. Byen oppstod på 1800-talet i samband med utbygginga av jarnbana.

Grand Union-kanalen renn gjennom Wolverton, og på 1800-talet vart staden eit viktig knutepunkt mellom jarnbana og kanalnettverket. Stasjonen vart opna i 1845 av dronning Victoria. Det låg òg ein lokomotiv- og vognfabrikk der, Wolverton Works. Han er åtskild frå byen med ein mur som går langs nesten heile den eine sidan av byen. På muren er det enno spor etter kamuflasjemaling frå andre verdskrigen. Fabrikken var lenge ein viktig arbeidsgivar, men blir no berre brukt til oppbevaring av lokomotiv og vogner. Dei kongelege togvognene står normalt der, og den nyaste av desse vart ferdigstilt ved Wolverton Works i 1977.

Kjelder

• Denne artikkelen bygger på «Wolverton» frå Wikipedia på bokmål, den 12. juli 2011.